سەرۆك بافڵ و هادی عامری: پێویستە متمانە لەنێوان لایەنەكان زیاتربێت

راگەیاندنی سەرۆکی یەکێتی

سەرۆك بافڵ و هادی عامری، سەرۆكی هاوپەیمانیی فەتح

بافڵ جەلال تاڵەبانی، سەرۆكی یەكێتیی نیشتمانیی كوردستان، لە بەغداد لەگەڵ هادی عامری، سەرۆكی هاوپەیمانیی فەتح كۆبووەوە.

لە دیدارێكدا كە د. خالید شوانی، سەرپەرشتیاری مەكتەبی سیاسی لە بەغداد ئامادەبوو، باس لەسەرخستنی هەوڵە نیشتمانییەكان بۆ بەردەوامیی هەماهەنگی نێوان لایەنەكان كرا و بە فاكتەری پاراستنی سەقامگیریی وڵات زانرا.

هەردوولا جەختیان لە گرنگیی دیالۆگ و لێكتێگەیشتنی نیشتمانی بۆ چارەسەری كێشەكان كردەوە، تاوەكو متمانەی نێوان لایەنەكان زیاتر بێت و بەربەستەكان تێپەڕێنرێن، لەپێناو گەیشتن بە ئەنجامێك كە لە بەرژەوەندیی گشتیی وڵاتدا بێت.

PUKMEDIA