گفتوگۆکانی ئێران و عومان نرخی نەوت دادبەزێنێت

میدیاکان

دابەزینی نرخی نەوت

ئەمڕۆ 28ی8ی2026، نرخی نەوت لە بازاڕەکانی جیهاندا بۆ چەندەمین رۆژی لەسەریەک دابەزی، هۆکارەکەشی بۆ گفتوگۆکانی نێوان ئێران و عومان دەگەڕێتەوە، کە چاوەڕوان دەکرێت ببنە هۆی کردنەوەی گەروی هورمز.

بەپێی ماڵپەڕی (OIL PRICE)، یەک بەرمیل نەوتی برێنت 54 سەنتی دیکە دابەزی و بە 89 دۆلار و 16 سەنت مامەڵەی پێوەدەکرێت.

هاوکات، نرخی یەک بەرمیل نەوتی تەکساس 47 سەنت دابەزی و بە 83 دۆلار و شەش سەنت مامەڵەی پێوەدەکرێت.

هۆکاری دابەزینی نرخی نەوت، بۆ گەشبینییەکانی کردنەوەی گەروی هورمز دەگەڕێتەوە، کە ئێستا ئێران و عومان  گفتوگۆی کردنەوەی رێڕەوێکی نوێ لە گەروەکە دەکەن و کار بۆ تەواوکردنی وردەکارییەکانی رێککەوتنێک دەکەن، ئەمەش دوای ئەوە دێت سوپای پاسدارانی ئێران رایگەیاند هەردوو وڵات لەسەر چۆنیەتی دابەشکردنی ئەو رێڕەوە ئاوییە و داهاتەکانی رێککەوتوون، کە بەرهەمهێنەرانی سەرەکی نەوتی کەنداو بە بازاڕەکانەوە دەبەستێتەوە.

PUKMEDIA