وەزارەتی دارایی عیراق بۆ بودجەی 2027 وەفدێكی هەرێمی كوردستان بانگهێشت دەكات

PUKMEDIA

لۆگۆی حکومەتی عیراق و هەرێم

وەزارەتی دارایی عیراق دەیەوێت پێش ناردنی ڕەشنووسی بودجەی 2027 بۆ ئەنجومەنی نوێنەران، كۆتایی بە ناكۆكییە داراییەكانی لەگەڵ هەرێمی كوردستان بهێنێت. بۆ ئەو مەبەستەش فالح ساری وەزیری دارایی عیراق داوایكردووە لەم هەفتەیەدا وەفدێكی هەرێم بچنە بەغداد تا لەسەر پشكی تەرخانكراو و شایستە داراییەكان بگەنە ڕێككەوتنی كۆتایی.

بەپێی زانیارییەکان، وەزارەتی دارایی عیراق بە رەسمی داوای وەفدێكی وەزارەتی دارایی هەرێمی كوردستانی كردووە سەردانی بەغداد بكەن و فالح ساری وەزیری دارایی عیراقیش، رەتیكردووەتەوە بەبێ بوونی وەفدی هەرێم بچێتە ناو وردەكارییەكانی پشكی ساڵی 2027.

هەر بۆیە بڕیار دراوە لەم هەفتەیەدا گفتوگۆیەكی چڕ لەسەر پشكی هەرێم لە بودجەی فیدراڵ ئەنجام بدرێت، بۆ ئەوەی وەزارەتی دارایی رەشنووسی بودجەی 2027 بە هەماهەنگی هەردوولا ئامادە بكات.

PUKMEDIA