وته‌بێژی كۆمسیۆن: هه‌ر په‌رله‌مانتارێك سزادرا ئه‌ندامێتی له‌ده‌ستده‌دات

PUKMEDIA

ئەنجومەنی نوێنەرانی عیراق

وته‌بێژی كۆمسیۆنی باڵای سه‌ربه‌خۆی هه‌ڵبژاردنه‌كان رایگه‌یاند: هه‌ر په‌رله‌مانتارێك له‌لایه‌ن دادگاوه‌ سزای كۆتایی به‌سه‌ردا سه‌پێندرا، ئه‌وه‌ ئه‌ندامێتی نامێنێت و كۆمسیۆن ئاماده‌یه‌ به‌ ره‌سمی ناوی په‌رله‌مانتاری جێگره‌وه‌ بۆ ئه‌نجومه‌نی نوێنه‌ران بنێرێت.

جومانه‌ غه‌لای وته‌بێژی كۆمسیۆنی باڵای سه‌ربه‌خۆی هه‌ڵبژاردنه‌كانی عیراق، به‌ PUKMEDIA ی رایگه‌یاند: په‌رله‌مانتار ئه‌ندامێتی له‌ده‌ستده‌دات، كاتێك له‌لایه‌ن دادگاوه‌ سزای به‌سه‌ردا ده‌سه‌پێندرێت، یاخود كاتێك مه‌رجه‌كانی ئه‌ندامێكی له‌ده‌ستده‌دات.

وته‌بێژی كۆمسیۆن ئاماژه‌ی به‌وه‌شكرد: یاسای هه‌ڵبژاردنه‌كان میكانیزمی جێگره‌وه‌ی په‌رله‌مانتاری دیاریكردووه‌ كه‌ ئه‌ندامێتی لێوه‌رده‌گیرێته‌وه‌، كه‌ په‌رله‌مانتاری جێگره‌وه‌ له‌ هه‌مان لیست ده‌بێت، هه‌روه‌ها یه‌كه‌م یه‌ده‌گیش ده‌بێت له‌ رووی به‌ده‌ستهێنانی زۆرترین ده‌نگه‌وه‌.

له‌ كۆتایشدا، جومانه‌ غه‌لای وته‌بێژی كۆمسیۆنی باڵای سه‌ربه‌خۆی هه‌ڵبژاردنه‌كانی عیراق دووپاتی كرده‌وه‌، ئه‌گه‌ر ئه‌نجومه‌نی نوێنه‌ران، داوای په‌رله‌مانتاری جێگره‌وه‌ بكات، ئه‌وه‌ كۆمسیۆن به‌ ره‌سمی و به‌پێی یاسا ناوی جێگره‌وه‌ی ئه‌و په‌رله‌مانتارانه‌ ده‌نێرێت، كه‌پێویسته‌ له‌بری په‌رله‌مانتاره‌ دوورخراوه‌كان ده‌ستبه‌كاربن.

PUKMEDIA