سندوقێک بۆ پاڵپشتیکردنی سینەماکاران و فیلمسازانی کورد دادەمەزرێنرێت

AI

قۆناغی وێنەگرتنی فیلم

کۆمسیۆنی فیلمی کوردستان، سبەینێ 1ی ئەیلوولی 2026 لە هەرێمی کوردستان و عیراق، سندوقی فیلمی کوردستان (Kurdistan Film Fund) رادەگەیەنێت و بەڕەسمی دەرگا بۆ یەکەمین خولی پێشکەشکردنی داواکاری دەکاتەوە و تا 16ی تشرینی یەکەمی 2026 بەردەوام دەبێت، ئەمەش هەنگاوێکی گرنگ و مێژووییە لە گەشەپێدانی سینەمای کوردی و کەرتی بینراو و بیستراو لە هەرێمی کوردستاندا.

ئەم سندوقە نیشتمانییە بە بڕی 2 ملیۆن دۆلاری ساڵانە، پاڵپشتی سینەماکاران و فیلمسازە کوردەکان دەکات لەسەر ئاستی جیهان و پیشەسازی نوێی بواری بینراو و بیستراو و هاوبەشییە نێودەوڵەتییەکانی کوردستان بەهێزتر دەکات.

سندوقەکە بۆ سینەماکارانی کورد و پڕۆژە شایستەکان چ لە ناوخۆی هەرێمی کوردستان و چ بۆ کورد لە هەموو جیهاندا کراوە دەبێت، ئەمەش ڕەنگدانەوەی سروشتی جیهانیی کۆمەڵگە کوردییەکان و بەهرەمەندە داهێنەرەکانە. پڕۆژەکان دەبێت پەیوەندییەکی مانادار و ڕاستەقینەیان بە ناسنامە و کولتوور و زمان و کۆمەڵگە یان چیرۆکە کوردییەکانەوە هەبێت.

ئەمەش لەکاتێکدایە، سندوقی فیلمی کوردستان لەلایەن باقی یاسین سەرۆکی "کۆمیسیۆنی فیلمی کوردستان" (Kurdistan Film Commission)ەوە دامەزراوە و ئەمە یەکەمین دامەزراوەی نیشتمانیی لەم جۆرەیە کە تایبەت کراوە بۆ پاڵپشتیکردنی سینەماکاران و فیلمسازانی کورد لە سەرانسەری جیهاندا.

PUKMEDIA

تەواوی زانیارییەکانی سندوقی فیلمی کوردستان بەوێنە: