سەید عەبدولفەتاح نووسەری دیاری میسرو دۆستی كورد كۆچی دواییكرد

PUKMEDIA

سەید عەبدولفەتاح و سەرۆك مام جەلال

سەید عەبدولفەتاح، سەرۆكی ناوەندی قاهیرە بۆ لێكۆڵینەوەی كوردی و دۆستی دێرینی گەلی كورد، دوای چەند ساڵێك لەململانێ لەگەڵ نەخۆشی، ئەمڕۆ لەتەمەنی 53 ساڵیدا كۆچی دوایی كرد.

ئەمڕۆ 3ی 9ی 2026، سەید عەبدولفەتاح، نووسەری ناوداری میسری، دۆستی دێرینی گەلی كوردو سەرۆك مام جەلال و یەكێتیی نیشتمانیی كوردستان، پاش چەند ساڵێك لە نەخۆشی، لە قاهیرە كۆچی دواییكرد.

نووسەری بەناوبانگ سەید عەبدولفەتاح، سەرەڕای ئەوەی سەرۆكی ناوەندی قاهیرە بوو بۆ لێكۆڵینەوەی كوردی، هاوكات خاوەنی چەندین كتێبە لەبارەی دۆزی كورد.

ناوبراو هاوكارێكی هەمیشەیی میدیای یەكێتیی نیشتمانیی كوردستان و زمانحاڵی رەسمی یەكێتی  PUKMEDIAبووەو رۆڵێكی بەرچاوی لە لێك نزیككردنەوەی رۆشنبیریی عەرەبی و كوردیدا هەبوو.

سەید عەبدولفەتاح عەلی، نووسەرو ئەكادیمی میسرییە، لەساڵی 1973 لەدایكبووە، بڕوانامەی بەكالۆریۆسی لەكۆلێژی ماف لە زانكۆی قاهیرە بەدەستهێناوە، لەساڵی 1994ەوە دەستی بەكاری راگەیاندن كردووە، ساڵی 2015 خەڵاتی باشترین رۆژنامەنووسی پێدراوە لەپای روماڵكردنی جەنگی روبەڕوبوونەوەی داعش لە سووریاو عیراق.

PUKMEDIA