هاوخەمی مەكتەبی سیاسی بۆ كۆچی دوایی رۆژنامەنوسی میسری سەید عەبدول فەتاح

PUKMEDIA

پرسەنامە

مەكتەبی سیاسی، یەكێتیی نیشتمانیی كوردستان، بۆ كۆچی دوایی نوسەرو رۆژنامەنوسی دیاری میسری سەید عەبدول فەتاح، پرسەنامەیەك ئاڕاستەی كەسوكار و خانەوادەی كۆچكردوو دەكات كە ئەمە دەقەكەیەتی:

بۆكۆچی دوایی نوسەرو رۆژنامەنوسی دیاری میسری (سەید عەبدول فەتاح سەید) سەرۆكی مەڵبەندی قاهیرە بۆ دراساتی كوردی و دۆستی گەلی كورد و یەكێتیی نیشتمانیی كوردستان ، پرسەو ماتەمی  خۆمان  ئاڕاستەی  كەسوكار و خانەوادە بەڕێزەكەیان و گشت هاوڕێ  و هاوكارانی لە میسڕ و لەبۆردی  ڕاگەیاندنی  مەكتەبی  ڕاگەیاندن و هۆشیاری یەكێتیی نیشتمانیی كوردستان دەكەین . 

ڕۆڵی ئەم خاوەن  قەڵەمە بوێرەی میسڕ لە پتەوكردنی پەیوەندیە ڕۆشنبیرییەكانی نێوان هەردوو گەلی میسڕی و كورددا و هەڵوێستە جوامێرییەكانی لە ئاست پرس و ڕوداوەكانی كوردستاندا بۆ هەمیشە لەیاد ناكرێت .

لەیەزدانی مەزن داواكارین  كۆچكردوو بە بەهەشتی بەرین  شاد بكات ، ئارامی  بە گشت لایەك ببەخشێت. 

مەكتەبی سیاسی 
یەكێتیی نیشتمانیی كوردستان

PUKMEDIA