ئەنجومەنى نوێنەرانى عیراق بۆ چوار تەوەر کۆدەبێتەوە

راگەیاندنی ئەنجومەنی نوێنەرانی عیراق

وێنەى کۆبونەوەیەکى رابردو

بڕیارە ڕۆژی یەکشەممە، 6ی ئەیلوولی 2026، ئەنجومەنی نوێنەرانی عیراق دانیشتنی ژمارە (15)ی خۆی لە چوارچێوەی خولی هەڵبژاردنی شەشەم، ساڵی یەکەمی یاسادانان و وەرزی دووەمدا ئەنجامبدات.

بەگوێرەى کارنامەى بڵاوکراوە، سبەینێ ئەنجومەنى نوێنەران لە سەعات (1:00)ی دوای نیوەڕۆ کۆبوونەوەى خۆى بە خوێندنەوەی چەند ئایەتێک لە قورئانی پیرۆز دەستپێدەکات و بەرنامەی کارەکە ئەم بڕگانەی خوارەوە لەخۆدەگرێت:

یەکەم: سوێندخواردنی دەستووری لەلایەن هەندێک لە ئەندامانی ئەنجومەنی نوێنەران.

دووەم: خوێندنەوەی یەکەم بۆ پڕۆژەیاسای هەموارکردنی یەکەمی یاسای هاتووچۆ ژمارە 8ی ساڵی 2019 (لیژنەی ئاسایش و بەرگری، لیژنەی دارایی).

سێیەم: خوێندنەوەی یەکەم بۆ پڕۆژەیاسای هەموارکردنی یەکەمی یاسای ڕێکخستنی بریکاری بازرگانی ژمارە (79)ی ساڵی 2017 (لیژنەی ئابووری و پێشەسازی و بازرگانی، لیژنەی یاسایی).

چوارەم: خوێندنەوەی یەکەم بۆ پڕۆژەیاسای کاغەزە داراییەکان و کەلوپەلەکان (لیژنەی ئابووری و پێشەسازی و بازرگانی، لیژنەی وەبەرهێنان و گەشەپێدان، لیژنەی دارایی).


PUKMEDIA