بانکی ناوەنديی عیراق: یەدەگی تەواومان هەیە

راگەیاندنی بانکی ناوەندی عیراق

بانکی ناوەنديی عیراق

نزار ناسر حسێن، پارێزگاری بانکی ناوەنديی عیراق، جەختی لە چاکسازی لە کەرتی بانکیدا کردەوە و رایگەیاند: پێشکەوتنی ئەرێنی زیاتر لە کەرتی بانکيی و سیستمی دارایيدا هاتوەتەئاراوە.

لە میانی گفتوگۆیەکدا لەگەڵ ژمارەیەک پسپۆڕی ئابوری، نزار ناسر حسێن، پارێزگاری بانکی ناوەنديی عیراق، روونیکردەوە: کە متمانەی نێودەوڵەتی بە بانکی ناوەندی عیراق زۆر بەرزە، هەروەها چاودێری ناوخۆیی بەهێزتر بووە، هاوكات ڕێوشوێنی خۆپارێزی گیراوەتەبەر سەبارەت بە دامەزراوە دارایی و بانکییەکان.

سەبارەت بە پارەی وەبەرهێنەران، پارێزگاری بانکی ناوەنديی عیراق جەختی لەوە کردەوە، زۆرینەی رەهای وەبەرهێنان لە کەرتی بانکیيدا گەرەنتی کراون و دڵنیایی دا کە بانکی ناوەندی توانای بەڕێوەبردنی قەیرانەکانی هەیە، بە لەبەرچاوگرتنی یەدەگەکان و ئامرازە داراییەکان.

PUKMEDIA