لەهەڵەبجە بەنزینی 750 دیناری بەمەرج دابەشدەكرێت

ئەرشیف

دابەشكردنی بەنزینی 750 دیناری

لیژنەی سوتەمەنی قائیمقامیەتی قەزای مەڵبەندی هەڵەبجە بڕیارێكی نوێی سەبارەت بەكردنی بەنزینی پاڵپشتیكراوی 750 دیناری دەركردو رایدەگەیەنێت: خانمانی شۆفێر دەبێت خاوەنی مۆڵەتی شۆفێری بن و نابێت لەیەك جار زیاتر بەنزین وەربگرن، هاوكات  شۆفێران  نابێت ئۆتۆمبێلەكانیان جێبهێڵن ئەگەرنا دەستبەسەر ئۆتۆمبێلەكانیاندا دەگیرێت.

لیژنەی سوتەمەنی قائیمقامیەتی قەزای مەڵبەندی هەڵەبجە رایگەیاند: رۆژانە لە سەعات حەوتی بەیانییەوە بەنزینی پاڵپشتیكراوی 750 دیناری لە هەردوو بەنزینخانەی (سان) و (سەركۆ) دابەش دەكرێت و تا تەواوبونی بڕی دیاریكراو بەردەوام دەبێت.

ئاماچەی بەوەشكردووە: بڕی دیارییكراو بۆ ئۆتۆمبێلەكانی جۆری (پیك ئەپ، تەكسی و پاس) 50 لیتر دەبێت و ئۆتۆمبێلی تایبەتیش 40 لیتر.

هاوكات شۆفێرانیش ئاگاداردەكاتەوە،  بۆ وەرگرتنی بەنزین مەرجە كارتی زانیارییان پێبێت و دانیشتوی پارێزگای هەڵەبجەبن، چونكە لە ئێستادا بەنزین بۆ سەرجەم شارەكانی دیكەش دابین كراوە.

هاوكات جەخت لەوە كراوەتەوە كە خانمانی شۆفێر دەبێت خاوەنی مۆڵەتی شۆفێری بن و بەهیچ شێوەیەك رێگە نادرێت لە یەك جار زیاتر بەنزین وەربگرن.

 لە كۆتاییشدا لیژنەكە هۆشداری دەدات، كە لە دوای تەواوبوونی بڕی بەنزینەكە، نابێت هیچ ئۆتۆمبێلێك لە بەرانبەر بەنزینخانەكاندا نۆرە بگرێت، بە پێچەوانەوە سەرپێچیكاران روبەڕوی دەستبەسەرداگرتنی ئۆتۆمبێلەكانیان و سزای پێبژاردن دەبنەوە.

PUKMEDIA