سەرۆککۆمار: بە بەکارهێنانی تەکنەلۆژیا بەرهەمی کشتوکاڵی زیادبکرێت

نوسینگەی راگەیاندن

سەرۆککۆمار لە کێڵگەی خورمای فەدەک

نزار ئامێدی سەرۆککۆماری عیراق، ، ئەمڕۆ 9ی9ی2026 سەردانی کێڵگەی خورمای فەدەکی کرد و لە ئەزموونەکەی لە بواری چاندن و بەرهەمهێنانی جۆرەکانى خورمای کۆڵییەوە.

سەرۆککۆمار بە ناوچە جیاوازەکانی کێڵگەکەدا گەڕا، هەروەها گوێی لە روونکردنەوەی سەرپەرشتیارانی کێڵگەکە گرت سەبارەت بەو ڕێبازە هاوچەرخانەی کە پەیڕەو دەکرێن بۆ پەرەپێدانی بەرهەمی کشتوکاڵی و بەرزکردنەوەی کوالێتی خورما.

سەرۆککۆمار دەستخۆشی لەو هەوڵانە کرد کە لەلایەن عەتبەی حوسەینییەوە بۆ پەرەپێدانی کەرتی کشتوکاڵ دەدرێن، و جەختی لە گرنگیی پشتگیریکردنی ئەو دەستپێشخەری و پرۆژانە کردەوە کە بەشدارن لە گەشەپێدانی سامانی کشتوکاڵی و هەمەجۆرکردنی بەرهەمی خورما، بەو پێیەی یەکێکە لە بەرهەمە گرنگەکانی پارێزگای کەربەلا و عدراق بە گشتی.

هەروەها ئاماژەی بە پێویستیی هاندانی وەبەرهێنانی کشتوکاڵی و بەکارهێنانی تەکنەلۆژیا هاوچەرخەکان لەم کەرتەدا کرد، بە شێوازێک کە بەشداری بکات لە زیادکردنی بەرهەم، دابینکردنی هەلی کار، پشتگیریکردنی ئابووریی نیشتمانی، و بەهێزکردنی پێگەی بەرهەمی عێراقی لە بازاڕە ناوخۆیی و جیهانییەکاندا.

PUKMEDIA