قوباد تاڵەبانی تەئکید لەبەهێزکردنی پەیوەندییەکان لەگەڵ حزبی زەحمەتکێشان دەکاتەوە

نوسینگەی رۆژنامەوانی قوباد تاڵەبانی

قوباد تاڵەبانی و بەڵێن عەبدوڵڵا

قوباد تاڵەبانی لێپرسراوی مەکتەبی سکرتارییەتی سەرۆک مام جەلال پێشوازیکرد لە بەڵێن عەبدوڵڵا سکرتێری حیزبی زەحمەتکێشانی کوردستان و وەفدی یاوەری و لە کۆبوونەوەی نێوانیاندا باس لە دۆخی هەرێمی کوردستان و چۆنییەتی بەهێزترکردنی پەیوەندییەکانی نێوان یەکێتیی نیشتمانیی کوردستان و حیزبی زەحمەتکێشانی کوردستان کرا. 

لە کۆبوونەوەکەدا کە رۆژی سێشەممە (15/9/2026) لە هەولێر بەڕێوەچوو، دوای گفتوگۆکردن لەبارەی دۆخی سیاسیی ناوخۆی هەرێمی کوردستان، هەردوولا هاوڕابوون لەسەر پێویستیی کاری پێکەوەیی و هەماهەنگی نێوان هەموو لایەنە سیاسییەکان بۆ پاراستنی هەرێمی کوردستان لە هەموو جۆرە هەڕەشە و مەترسییەک.

سکرتێری حزبی زەحمەتکێشانی کوردستان رۆڵی یەکێتی و سەرۆکی یەکێتی بەرز نرخاند لە چارەسەرکردنی کێشەکانی نێوان هەرێم و بەغدا، هیواشی خواست یەکێتی لە هەوڵەکانی بەردەوام بێت بۆ لێکنزیککردنەوەی بۆچوونی لایەنەکان بۆ ئەوەی هەرێمی کوردستان بە سەلامەتی ئەم قۆناغە هەستیار و پڕ مەترسییەی لە ناوچەکەدا هەیە تێپەڕێنێت.

لە تەوەرێکی دیکەی کۆبوونەوەکەدا هەردوولا بە گرنگییەوە باسیان لە پێویستی پێشخستنی زیاتری پەیوەندییەکانی نێوان یەکێتی و حیزبی زەحمەتکێشان کرد و ئامادەییان دەربڕی بۆ زیاترکردنی ئاستی هاوکاری و هەماهەنگیی نێوانیان.

PUKMEDIA