چوار کوردى ئێزیدی لە هەڵبژاردنەکانى شارەوانیی ئەڵمانیا سەرکەوتنیان بەدەستهێنا

Bahzani Net

وێنەى کاندیدە سەرکەوتوەکان

چوار کوردى ئێزیدی لە هەڵبژاردنەکانى شارەوانیی ئۆڵدنبێرگ سەرکەوتنیان بەدەستهێنا، کە شارەزایان ئەم سەرکەوتنە بە دەستکەوتێکی گەورە و مژدەیەکی خۆش بۆ کۆمەڵگەی ئێزیدی دادەنێن.

ویلایەتی ساکسۆنی ئەڵمانیا شایەتحاڵی ڕووداوێکی ناوازە بوو، کە بۆ یەکەمجارە لە مێژووی وڵاتەکەدا چوار گەنجی کوردى ئێزیدی توانیان لە هەڵبژاردنی شارەوانییەکان لە ناوچەی ئۆلدنبێرگ سەرکەوتنێکی گەورە بەدەستبهێنن و ببنە ئەندامی ئەنجومەنی شارەکە لەسەر پشکی پارتە سیاسییە جیاوازەکان.

ئەوانیش بریتین لە:

1- نۆژدار سەعید ( پارتی سەوز).
2- دارا عەلی حاول (پارتی سەوز).
3- گوزڵ توران (پارتی سۆسیالیست).
4- لەیلان دومان (پارتی چەپ).

چاودێران و شارەزایان ئەم سەرکەوتنە بە دەستکەوتێکی گەورە و مژدەیەکی خۆش بۆ کۆمەڵگەی ئێزیدی دادەنێن لە مێژووی بەشداریکردن و چالاکیی سیاسییان لە وڵاتی ئەڵمانیا.

PUKMEDIA