نوسه‌ر و ڕۆژنامه‌نوسێكی دۆستی كورد له‌ سوید كۆچی دوایی كرد

Amida haber

وێنەیەکى ئیلین كلاسۆن

ڕ‌ۆژنامه‌نوس و نووسه‌ر و وه‌رگێڕ‌ی سویدی "ئیلین كلاسۆن" له‌ ته‌مه‌نی 89 ساڵیدا له‌ شاری ستۆكهۆڵم كۆچی دوایی كرد، كه‌ ده‌یان ساڵه‌ كار بۆ به‌ به‌ڵگه‌نامه‌كردنی مێژوو، كلتووری كورد و ئه‌زموونی كورد له‌ ڕ‌ۆژهه‌ڵاتی ناوه‌ڕ‌است و سوید ده‌كات.

ئیلین كلاسۆن له‌ ساڵی 1937 له‌دایكبووه‌، له‌ حه‌فتاكانی سه‌ده‌ی ڕ‌ابردووه‌وه‌ په‌یوه‌ندییه‌كی نزیكی له‌گه‌ڵ ئه‌ده‌بی كوردی و كۆمه‌ڵگه‌ی كوردی له‌ سوید-دا هه‌بووه‌، له‌گه‌ڵ نووسه‌ر و ڕ‌ۆژنامه‌نوسی كۆچكردووی كورد مه‌حمود باكسی به‌ شێوه‌یه‌كی به‌رفراوان كاریان كردووه‌، كه‌ هاوبه‌شییه‌كی له‌مێژینه‌ی كه‌سی و ئه‌ده‌بی له‌گه‌ڵدا هه‌بووه‌.

كاره‌كانی كلاسۆن یارمه‌تیده‌ر بوو بۆ گه‌یاندنی پرسی كورد بۆ بینه‌رانی سوید، له‌ ماوه‌ی حه‌فتاكانی سه‌ده‌ی ڕ‌ابردوودا ڕ‌اپۆرت و وتاره‌كانی له‌سه‌ر كاروباری كورد له‌ ڕ‌ۆژنامه‌كانی سوید-دا بڵاوده‌کردەوە‌، له‌وانه‌ (نی داگ و داگێنس نیهێته‌ر) كاره‌كانی بریتی بوون له‌ وتارێكی ساڵی 1978 به‌ناونیشانی كوردستانی له‌بیركراو، هاوكات له‌ ڕ‌اپۆرته‌كانی دواتردا ڕ‌وماڵی خه‌باتی كورد و پێشهاته‌كانی ناوچه‌كه‌ی كرد، هه‌روه‌ها له‌گه‌ڵ باكسی له‌ فیلمی دیكۆمێنتاریی كینێ ئێم كاریان كردووه‌.

یه‌كێك له‌ به‌رهه‌مه‌ هاوبه‌شه‌ هه‌ره‌ دیاره‌كانی كلاسۆن و باكسی بریتی بوو له‌
Om förtryck och befrielsekamp واتا (كوردستان، له‌سه‌ر سته‌م و خه‌بات بۆ ڕ‌زگاری)، كه‌ له‌ ساڵی 1979 له‌ ستۆكهۆڵم چاپ و بڵاوكراوه‌ته‌وه‌.

هه‌روه‌ها كلاسۆن له‌دوای خۆی تۆمارێكی فۆتۆگرافی به‌نرخی ژیانی كوردیشی به‌جێهێشتووه‌، له‌ نێوان ساڵانی 1980 بۆ 1985 وێنه‌ی پێكهاته‌ كوردییه‌كانی له‌ شارۆچكه‌ و گونده‌ جیاجیاكانی سوریا گرتووه‌ و شه‌قام و خێزان و منداڵ و كرێكار و باڵه‌خانه‌ و بازاڕ‌ه‌كانی به‌ دۆكیۆمێنت كردووه‌، ئه‌و فۆتۆیانه‌ش كه‌ 34 وێنه‌یه‌، له‌ ئه‌رشیفی زانكۆی ئێكسته‌ر له‌ به‌ریتانیا هه‌ڵگیراوه‌.

ئه‌م نوسه‌ره‌ لێكۆڵینه‌وه‌ و نووسینه‌كانی له‌سه‌ر كاروباری كورد تا ساڵانی هه‌شتاكانی سه‌ده‌ی ڕ‌ابردوو به‌رده‌وام بوو، له‌ ساڵی 1986دا كتێبی (كورد له‌ ڕ‌ۆژهه‌ڵاتی ناوه‌ڕ‌است و له‌ ده‌ربه‌ده‌ریدا)ی بڵاوكرده‌وه‌، كه‌ به‌رهه‌مێك بوو تیشكی ده‌خسته‌ سه‌ر بارودۆخی كورد له‌ ناوچه‌كه‌ و له‌ ده‌ربه‌ده‌ریدا.

هه‌روه‌ها كلاسۆن ڕ‌ۆڵێكی گرنگی هه‌بوو له‌ گه‌یاندنی به‌رهه‌مه‌ ئه‌ده‌بییه‌كانی باكسی بۆ خوێنه‌رانی سویدی، به‌رهه‌می وه‌رگێڕ‌انی سویدی فیلمی حه‌سه‌ن ئاگا، كه‌ له‌ ساڵی 1979 بڵاوكرایه‌وه‌ و كاری له‌سه‌ر فیلمی Zozan – en kurdisk flicka (زۆزان – كچێكی كورد) كردووه‌، بۆ ئه‌مه‌ش وه‌رگێڕ‌انی سویدی بۆ كردوه‌، بۆیه‌ كاره‌كانی هه‌ر ته‌نها بابه‌تی سیاسی و مێژوویی كوردی نه‌بوو، به‌ڵكو ئه‌زموونی منداڵ، خێزان، كۆچ و ژیانی ده‌ربه‌ده‌ری كوردیشی له‌خۆگرتبوو.

هه‌روه‌ها عومه‌ر شێخمووس، ئه‌ندامی دامه‌زرێنه‌ری یه‌كێتیی نیشتمانیی كوردستان، دوای هه‌واڵی كۆچی دوایی كلاسۆن، ڕ‌ێزی له‌ كلاسۆن گرت و له‌ پۆستێكدا له‌ هه‌ژماری تایبه‌تی خۆی له‌ تۆڕ‌ی كۆمه‌ڵایه‌تی فه‌یسبووك، به‌ هاوڕ‌ێیه‌كی دێرین و دڵسۆز وه‌سفی كرد و تیشكی خستوه‌ته‌ سه‌ر كاره‌كانی كه‌ له‌پێناو كورد كردویه‌تی و ئاماژه‌ی به‌وه‌شكردوه‌، كلاسۆن شایه‌نی ئه‌وه‌یه‌ وه‌ك "دایكی كورد له‌ سوید" یادی بكرێته‌وه‌ و سه‌ره‌خۆشی خۆی ئاڕاسته‌ی بنه‌ماڵه‌كه‌ی كرد.

PUKMEDIA