ئەحمەد سەحاف: هیچ بەڵگەیەک نیە خنکانی 18 پەنابەری كورد پشتڕاستبكاتەوە

واع

ئەحمەد سەحاف، كاربەڕێكەری باڵیۆزخانەی عیراق لە لیبیا

كاربەڕێكەری باڵیۆزخانەی عیراق لە لیبیا رایدەگەیەنێت: تاوەکوئێستا هیچ لێدوانێكی رەسمی دەسەڵاتدارانی لیبیا نییە كە خنكانی 18 پەنابەرە كوردەكە لە دەریای ناوەڕاستدا پشتڕاستبكاتەوە.

ئەحمەد سەحاف، كاربەڕێكەری باڵیۆزخانەی عیراق لە لیبیا رایگەیاند: بە وردی بەدواداچوون بۆ چارەنووسی ئەو 18 پەنابەرە كوردە دەكەین كە بە رێگەی نایاسایی چوونە خاكی لیبیاوە و ئێستاش دەنگۆی خنكانیان لە دەریای ناوەڕاستدا بڵاوبووەتەوە.

ئەوەشی خستووەتەڕو: لەگەڵ لایەنە ئەمنی و تەندروستی و مانگی سوری لیبیا لە گفتوگۆدان بۆ یەكلاییكردنەوەی چارەنووسی ئەو 18 پەنابەرە.

ئەحمەد سەحاف ئاماژەی بەوەشدا: تائێستا هیچ لێدوانێكی رەسمییان لە دەسەڵاتدارانی لیبیاوە پێنەگەیشتووە كە خنكانی ئەو پەنابەرانە پشتڕاستبكاتەوە.

ئەمەش لەکاتێکدایە، لە چەند رۆژی رابردوودا لە تۆڕە كۆمەڵایەتییەكان دەنگۆی خنكانی 18 پەنابەری كورد لە دەریای ناوەڕاستدا بڵاوكرایەوە، كە گوایە لە لیبیاوە بە بەلەم بۆ ئیتاڵیا بەڕێكەوتوون و لەرێگادا بەلەمەكەیان ژێرئاوكەتووە و خنكاون.

PUKMEDIA