قوباد تاڵەبانی: پەیوەندییە كلتوورییەكانی نێوان كوردستان و میسر پتەوتر بكرێت

راگەیاندنی قوباد تاڵەبانی

پێشوازی قوباد تاڵەبانی لە وەفدێكی رۆشنبیری وڵاتی میسر

قوباد تاڵەبانی، لێپرسراویی مەكتەبی سكرتارییەتی سەرۆك مام جەلال پێشوازیكرد لە وەفدێكی رۆشنبیری وڵاتی میسر و پێكەوە تاوتوێی چۆنییەتی بەهێزتركردنی پەیوەندیی كلتووری و رۆشنبیری نێوان هەردوولایان كرد.

لە دەستپێكی كۆبوونەوەكەدا كە رۆژی یەكشەممە (27/9/2026) بەڕێوەچوو، قوباد تاڵەبانی بەخێرهاتنی وەفدەكەی كرد بۆ سلێمانی و هیوای خواست سەردانەكەیان بۆ كوردستان بەرهەمداربێت و رێگەخۆشكەربێت بۆ دروستكردنی پەیوەندییەكی بەهێز لەنێوان رۆشنبیرانی كوردستان و وڵاتی میسر.

هەردوولا بە گرنگییەوە باسیان لەو پەیوەندییە بەهێزەی سەرۆك مام جەلال كرد لەگەڵ رۆشنبیرانی میسر و بە پێویستیان زانی كاری هاوبەش بكرێت بۆ پتەوتركردن و رێكخستنەوەی پەیوەندیی كلتووری و رۆشنبیری نێوان كوردستان و میسر.

وەفدەكەی رۆشنبیرانی میسر لە دیدارەكەدا خۆشحاڵی خۆیان دەربڕی بەوەی سلێمانی نەك هەر لە بواری رۆشنبیریدا بەڵكو لە هەموو بوارەكاندا پێشكەوتنی بەرچاوی بەخۆیەوە بینیوە. هەروەها ستایشی رۆڵی یەكێتی و سەرۆك بافڵ جەلال تاڵەبانیشیان كرد لە پاراستنی ئاسایش و سەقامگیری ناوچەكەدا و بە تایبەتیش هەڵوێست و سیاسەتی یەكێتییان بەرز نرخاند لە دوورخستنەوەی عيراق و هەرێمی كوردستان لە شەڕ و ئاڵۆزییەكانی ناوچەكە.

PUKMEDIA