مەکتەبی سکرتارییەت: مستەفا ئەحمەد پەنجە مۆری بەسەر شانۆ و درامای کوردییەوە هەیە

نوسینگەی رۆژنامەوانی مەکتەبی سکرتارییەت

مەکتەبی سکرتارییەت سەردانی مستەفا ئەحمەدی بەسەرکردەوە

رۆژی 28ـی ئەیلول 2026، مەکتەبی سکرتارییەتی سەرۆک مام جەلال لە شاری سلێمانی، سەردانی هونەرمەند و شانۆکاری گەورەی کورد مستەفا ئەحمەدیان-کرد.

لەو سەردانەدا، مەکتەبی سکرتارییەت بە رێزەوە باسیان لە کاروانی دەوڵەمەندی هونەریی مامۆستا مستەفا ئەحمەد کرد و رایانگەیاند:هونەرمەند مستەفا ئەحمەد تەنها ناوێک نییە لە دنیای هونەردا، بەڵکو سەروەتێکی گەورەی نیشتمانییە کە زیاتر لە شەست ساڵە لە بواری هونەر و نواندندا خزمەت بە گەلەکەی دەکات، لەبەرامبەر ئەو مێژووە پڕ لە درەوشاوەیەشدا، سڵاوی ئەمەک و وەفاداریی سەرۆک بافڵ و هەڤاڵ قوباد تاڵەبانیان پێشکەش کرد و هیوای سەلامەتی زیاتر و تەندروست باشیان بۆ خواست.

لای خۆیەوە ، هونەرمەند مامۆستا مستەفا ئەحمەد سوپاسی بەسەرکردنەوەکەی کرد و بە قەدرەوە باسی لە پشتگیری و هاوکارییەکانی سەرۆک مام جەلال و خاتوو هێرۆ ئیبراهیم ئەحمەد کرد بۆ هونەر و هونەرمەندان، کە ئێمەش وەک بەشێک لەو کاروانە دەمانتوانی بەسەرکەوتوویی ئەو کارانە پێشکەش بکەین و لە کۆتایدا دەبووە جێی رەزامەندیی کۆمەڵانی خەڵکی کوردستان.

PUKMEDIA