مەکتەبی راگەیاندن و هۆشیاری یاساناس و میدیاکارێکی دێرین بەسەردەکاتەوە

تایبەت

وێنەیەکى سەردانەکە

لە درێژەی سەردانەکانی مەکتەبی راگەیاندن و هۆشیاری بۆ لای نوسەران و رووناکبیران و میدیاکاران، ئێوارەی ئەمڕۆ لە شاری سلێمانی وەفدێکی مەکتەب سەردانی ماڵی میدیاکاری دێرین و پسپۆری بواری یاسای راگەیاندن و پەرلەمانتاری پێشووتری یەکێتیی نیشتمانیی کوردستان لە ئەنجوومەنی نوێنەرانی عیراق، دکتۆر سامان فەوزی کرد.

لەدیدارێکدا وەفدەکەی مەکتەب سڵاو و رێزی مەکتەبی راگەیاندن و بۆردەکانی و هەڤاڵانی مەکتەبیان پێگەیاند و لە بەرامبەر رابردووی رۆڵی بەڕێزیان لە بواری راگەیاندن و ساڵانێکی کارکردنی دڵسۆزانەی لە رۆژنامەی الاتحاد- ی سەربە مەکتەب چەپکەگوڵی ستايش و وەفایان پێشکەش کرد، لە بەرامبەردا دکتۆر سامان فەوزی خۆشحاڵی زۆری خۆی بۆ سەردانی وەفدەکەی مەکتەبی راگەیاندن و هۆشیاری دەربڕی و لەگەڵ هەڵدانەوەی لاپەڕەکانی ئەرشیفی رۆژنامەی الإتحاد-دا یادگارییەکانی سەردەمی کارکردنی خۆی و هاوکارانی گێڕایەوە، بەتایبەتی لە بواری داکۆکیکردن لە ئازادی کاری رۆژنامەنووسی و بەرگری لە مافی رۆژنامەنووسان، هەروەها باسی لە کاریگەریی ئەو کاتانەی بواری رۆژنامەگەری و میدیا کرد لەسەر خەڵک و هۆشیارکردنەوەی کۆمەڵگا و هەلومەرجی ئێستای کاری میدیایی لە سەردەمی تەکنەلۆژیای راگەیاندن و ژیریی دەستکرددا.

PUKMEDIA