ڕفعەت عەبدوڵڵا: پابەند بوون بە رێبازی سەرۆک مام جەلال باشترین وەفادارییە

PUKMEDIA

رفعەت عەبدوڵڵا جێگری سەرۆکی یەکێتیی نیشتمانیی کوردستان

ڕفعەت عەبدوڵڵا جێگری سەرۆکی یەکێتیی نیشتمانیی کوردستان، لە یادی کۆچی دوایی سەرۆک مام جەلال دووپاتی دەکاتەوە، کە پێویستمان بەبیری نیشتمانی و دانایی و ئەزمونی دەوڵەمەندی پڕ لەحیکمەتیەتی سەرۆک مام جەلالە و دەشڵێت: پابەند بوون بەو ئامانج و ڕێبازەی کەژیانی سیاسی خۆی بۆ کرد بەقوربانی باشترین وەفایە

دەقی پەیامەکەی ڕفعەت عەبدوڵڵا: 
بەخەمگینی و بەهەستێکی پڕ لەشکۆمەندییەوە یادی ژیانئاوایی ڕابەری هەموو سەردەمەکان و پێشەنگی کوردایەتی پێشکەوتنخواز (سەرۆک مام جەلال) دەکەینەوە، کەلەکۆڕی خەباتی شۆڕشگێڕی، ئازادیخوازی و دیموکراسی کوردستان و عیراق و ناوچەکەدا ڕۆڵێکی گەورەو پێشەنگی بینیوەو ڕەمزی ئیلهامبەخشینە بۆ ئومێدو ئیرادەو بەردەوامی گەلەکەمان.

لەساڵیادی کۆچی مامی هەمووان، هێندەی مێژوەکەی و ئەو زەمەنەی دوورە لێمان زیاتر هەست بەبۆشایی و لێرە نەبوونی دەکەین، کوردستان و عیراق و ناوچەکە پێویستیان بەحیکمەت و چەپکە گوڵی سیاسەتە شێنەییەکەیەتی، پێویستمان بەبیری نیشتمانی و دانایی و ئەزمونی دەوڵەمەندی پڕ لەحیکمەتیەتی، خەسڵەتە كۆمەڵایەتی و سیاسییەكانی وەک لێبوردەیی و دادپەروەری و جوامێری و خزمەتی کۆمەڵانی خەڵک، میراتێکی مێژووییەو ئێمەی خوێندکارانی مام جەلال بەدڵسۆزی و ئەمەکدارییەوە بەرجەستەکەری ئەو کلتورە سیاسیەین کە(مام) ژیانی خۆی بۆ تەرخانکرد>

لەژیانئاوایی سەرۆک مام جەلالدا پابەند بوون بەو ئامانج و ڕێبازەی کەژیانی سیاسی خۆی بۆ کرد بەقوربانی باشترین وەفایە، یادو یادەوەری هەمیشە زیندوەو لەبیرەوەری نەوەکانی ئایندەشدا بەنەمری دەمێنێتەوە.

PUKMEDIA