دوو ملیۆن بەرمیل نەوتی عیراق بەگەرووی هورمزدا تێپەڕی

PUKMEDIA

گەرووی هورمز

کەشتییەکی نەوت هەڵگری عیراق بە گەرووی هورمزدا تێپەڕی و پسپۆڕێکی ئابوریش دەڵێت: دەرچونی ئەو کەشتییە لە گەرووەکە کاریگەری ئابوری بۆ عیراق دەبێت.

بەهجەت ئەحمەد پسپۆڕ لە بواری وزە و گرێبەستەکانی نەوت و گاز بە PUKMEDIAی راگەیاند: کەشتییەکی نەوت هەڵگر کە نەوتی خاوی عیراقی هەڵگرتبوو، توانی بەگەرووی هورمزدا تێپەڕێت و نەوتەکەی بگەیەنێتە رۆژئاوا کە کاریگەری ئابووری لەسەر داهاتی عیراق دەبێت.

راشیگەیاند: کەشتییەکە دوو ملیۆن بەرمیل نەوتی خاوی عیراقی هەڵگرتبوو، کە لەماوەی رابردوودا زۆر بە کەمی روویداوە کەشتییەک بەو رێژە زۆرەی نەوتەوە بە گەرووەکەدا تێپەڕێت.

لە مانگی شوباتی 2026 لە دوای ناکۆکییەکانی ئیسرائیل و ئەمریکا لەگەڵ ئێران و دەستپێکی جەنگی نێوانیان هاتووچۆی بازرگانی لە گەرووی هورمز پەکی کەوت و ئەمەش زیانێکی زۆری بە ئابووری جیهان گەیاند، عیراقیش لەو زیانە بێبەش نەبوو، بەتایبەت رۆژئاوا، لە ئێستاشدا تێپەڕینی کەشتییەکی دوو ملیۆن بەرمیلی عیراق بەو گەرووەدا دەبێتە دەستکەوتێکی گرنگ بۆ ئابووری عیراق و ناوچەکە و تایبەتتر بۆ رۆژئاوا.

PUKMEDIA