ڕەفعەت عەبدوڵا: بادینان دەروازەی شەهیدان و هەڵگیرسانەوەی شۆرشی نوێیە

PUKMEDIA

بەشێک لە کۆبونەوەکە

جێگری سەرۆکی یەکێتی رایگەیاند: بادینان دەروازەی شەهیدان و هەڵگیرسانەوەی شۆرشی نوێی گەلەکەمانە بەڕابەرایەتی (ی.ن.ک).

ڕەفعەت عەبدوڵا، جێگری سەرۆکی یەکێتیی نیشتمانیی کوردستان، لەکۆبونەوەی لەگەڵ ئەنجومەنی مەڵبەندی زاخۆ، ڕایگەیاند دەڤەری بادینان دەروازەی شەهیدان و هەڵگیرسانەوەی شۆرشی نوێی گەلەکەمانە بەڕابەرایەتی (ی.ن.ک) جەختی کردەوە یەکێتی وەک ھێزێکی دەستپێشخەر بەجێبەجێکردنی پڕۆژەو بەرنامەکانی لەتوانایدایە ژێرخانی سیاسی و پشتیوانی کۆمەڵایەتی و حزبی لەبادینان فراوانتر بکات.

لەکۆبونەوەکەدا کەهەریەک لەهەڤاڵان بڵند شاڵی لێپرسراوی مەڵبەندو زیاد جەبارو لوقمان وەردی، ئەندامانی سەرکردایەتی و عوسمان شوانی ئەندامی لیژنەی ڕێکخستنەوەی ئۆرگانەکان ئامادەیبوون، هەڤاڵ جێگری سەرۆک بەوردی باسی لەدۆخی ناوچەکەو ڕەوشی حزبایەتی لەدەڤەرەکە کردوو هەنگاوە کردارییەکانی یەکێتی لەبادینان بۆ هەڤاڵان ڕوونکردەوە.

PUKMEDIA