وەزارەتی دارایی: سبەینێ لیستی مووچە رادەستی فەرمانگەی ژمێریاری دەکات

PUKMEDIA

وەزارەتی دارایی و ئابووری هەرێمی کوردستان

وەزارەتی دارایی و ئابووری لیستی مووچەی ئەیلول و تەرازووی پێداچوونەوەی مانگی ئاب دەنێرێت بۆ وەزارەتی دارایی عیراق و سبەینێ بە رەسمی رادەستیان دەکات.

بەپێی راگەیەندراوێکی وەزارەتی دارایی و ئابووری هەرێمی کوردستان، ئەمڕۆ 4ی10ی2026،تیمی تەکنیکی وەزارەتی دارایی و ئابووری حکومەتی هەرێمی کوردستان، لیستی مووچەی مانگی ئەیلولی فەرمانبەران و مووچەخۆرانی هەرێمی کوردستان دەبات بۆ فەرمانگەی ژمێریاری لە وەزارەتی دارایی حکومەتی فیدراڵ، وە سبەینێ دوو شەممە بە رەسمی ڕادەستیان دەکات.

ئاماژەی بەوەشکردووە: لەگەڵ لیستی مووچەکەدا، هەر سبەینێ دووشەممە ڕاپۆرتی تەرازووی پێداچوونەوەی دارایی تایبەت بە خەرجی و داهاتەکانی (مانگی ئاب 2026)، ڕادەستی لایەنی پەیوەندیدار لە وەزارەتی دارایی عیراق دەکات، بە ئامانجی وردبینیکردن و خێراکردنی پڕۆسەی دابینکردنی شایستە داراییەکانی مووچەخۆرانی هەرێمی کوردستان.

PUKMEDIA