سەرۆککۆمار: لە دۆسیەی ونبووەکاندا عیراق هاریکاری لایەنە پەیوەندیدارەکان دەکات

نوسینگەی راگەیاندن

نزار ئامێدی سەرۆککۆماری عیراق و خاتوو ماری یاماشیتا نوێنەری تایبەتی سکرتێری گشتی نەتەوە یەکگرتووەکان

نزار ئامێدی سەرۆککۆماری عیراق، پێشوازیکرد لەخاتوو ماری یاماشیتا نوێنەری تایبەتی سکرتێری گشتی نەتەوە یەکگرتووەکان و لە دیدارێکیشدا تیشک خرایە سەر هاریکاری و هەماهەنگی نێوان عیراق و نەتەوەیەکگرتووەکان.

بەپێی راگەیاندنی سەرۆکایەتی کۆمار،لەمیانی دیدارەکەدا تیشک خرایە سەر هاریکاری و هەماهەنگی نێوان عیراق و نەتەوەیەکگرتووەکان وچۆنیەتی بەهێزکردنی ئەو هاوبەشیە بەپێی پابەندییە نێودەوڵەتییەکان.
هەروەها لەدیدارەکەدا پێداچوونەوە بە پێشهاتەکانی سەبارەت بە دۆسیێی وونبووەکانی کوەیتی و بەرەوپێشچوونی کارەکانی لیژنەی تەکنیکی کرا، کە ئەرکی گەڕان بەدوای ڕوفاتەکان و دیاریکردنی چارەنووسیان پێسپێردراوە.

هەر لە دیدارەکەدا، سەرۆککۆمار پابەندبوونی عیراقی بەبەردەوامی هاوکاری و هەماهەنگی لەگەڵ لایەنە پەیوەندیدارەکان دووپاتکردەوە، بەپێی پابەندییە نێودەوڵەتییەکانی، هاوکات جەختی لەگرنگی بەردەوامی هەوڵەکان بۆ چارەسەرکردنی ئەم پرسە کردەوە.

لەلای خۆیەوە خاتوو یاماشیتا پێداچوونەوەی بەو هەوڵانەدا کرد کە خۆی و تیمەکەی لە بەدواداچوون بۆ ئەم دۆسێیە ئەنجامی دەدەن، سوپاس و پێزانینی خۆی دەربڕی بۆ ئەو ئاسانکاریانەی کە عێراق پێشکەشی کردوون بۆ دڵنیابوون لە سەرخستنی ئەرکەکەی.

PUKMEDIA