نووسەرێکی کورد خەڵاتی کتێبی ئەڵمانی ساڵی 2026ی بەدەستهێنا

تایبەت

نووسەر و ڕۆماننووسی کورد شەیدا بازیار

نووسەرێکی کورد، خەڵاتی کتێبی ئەڵمانی ساڵی 2026ی بەدەستهێنا کە یەکێکە لە خەڵاتە ئەدەبییە سەرەکییەکانی ئەڵمانیا.

نووسەر و ڕۆماننووسی کورد شەیدا بازیار لە مەراسیمێکدا لە شاری فرانکفۆرت، خەڵاتی کتێبی ئەڵمانی (Deutscher Buchpreis)ی ساڵی2026ی بۆ ڕۆمانی " Die Lücken " (کەلێنەکان) وەرگرت.

ئەم خەڵاتە یەکێکە لە گرنگترین خەڵاتە ئەدەبییەکانی ئەڵمانیا و ساڵانە بۆ باشترین ڕۆمان بە زمانی ئەڵمانی دەدرێت و بەو پێیەش شەیدا بازیار خەڵاتی دارایی 25 هەزار یۆرۆی وەرگرتووە.

لێژنەی هەڵسەنگاندن ڕۆمانی " Die Lücken "ی لە 205 بەرهەمی ئەدەبی هەڵبژارد و بە "ڕۆمانێک دژی بێباکی" ناوی برد، چونکە چیرۆکی نزیکەی سەد ساڵ مێژووی ئەڵمانیا دەگێڕێتەوە و لە ڕێگەی چیرۆک و ئەزموونی بنەماڵە و کارەکتەرە جیاوازەکانەوە باس لە تەوەری یادەوەری و چەوساندنەوە و کۆچکردن دەکات.

نووسەر و ڕۆماننووسی کورد شەیدا بازیار لە ساڵی 1988 لە ئەڵمانیا لە دایکبووە، لە بنەماڵەیەکی کوردی خەڵکی ڕۆژهەڵاتی کوردستان، کە خێزانەکەی پێش لەدایکبوونی هەڵاتبوون بۆ ئەڵمانیا، بەو پێیەی دایک و باوکی چالاکی سیاسی بوون لە کوردستانی ئێران.

PUKMEDIA