جێگرى پارێزگارى سلێمانى: هەر بازرگانێک کاڵا گران بکات رووبەڕووى یاسا دەکرێتەوە

تایبەت

شاهۆ عوسمان جێگری پارێزگاری سلێمانی

جێگرى پارێزگارى سلێمانى پەیامێک ئاڕاستەى بازرگان و خاوەن کۆگاکانی خۆراک وکەل وپەلی ڕۆژانەی هاووڵاتیان دەکات و داوایان لێ دەکات، پێویستە بەگیانی بەرپرسیارانە مامەڵە لەگەڵ ئەو دۆخەدا بکەن، تا ئەو کاتەی بارودۆخەکە ئاسایی دەبێتەوە و رایگەیاند: وەک دەبینرێت هەوڵەکان بۆ ئەو مەبەستە بەردەوامیان هەیە، بۆیە داواکارین هەموومان پێکەوە لە پێناو بەرژەوەندی هاووڵاتیانمان ئەوقۆناغە و تێپەڕێنین.

شاهۆ عوسمان جێگری پارێزگاری سلێمانی لە پەیامێکیدا کە بۆ PUKMEDIA  نێردراوە، پەیامێک ئاڕاستەى سەرجەم بازرگان و خاوەن کۆگاکانی خۆراک وکەل وپەلی ڕۆژانەی هاوڵاتیان لە سلێمانی و دەوروبەری دەکات و ئاماژە بۆ ئەوە دەکات: هەمیشە ئێوە لە سەرجەم قۆناغەکاندا پێویست بوون هاوکاری ئێمە و هاوڵاتیانی خۆشەویست بوون لە خەمی سلێمانی دابوون و ئێمەش هەمیشە سوپاس گوزاری ئەو هەڵوێستە نیشتیمانی و مرۆییانەی ئێوە بوین، سەبارەت بەو دۆخەی ئێستاش بەهۆی بەرزبوونەی نرخی دۆلاری ئەمریکی بەرامبەر بە دراوی عێراقی، هەموو لایەکتان دڵنیادەکەینەوە کە پێویستە بەگیانی بەرپرسیارانە مامەڵە لەگەڵ ئەودۆخە بکەن، تا ئەو کاتەی بارودۆخەکە ئاسایی دەبێتەوە، وەک دەبینرێت هەوڵەکان بۆ ئەو مەبەستە بەردەومیان هەیە، بۆیە داواکارین هەموومان پێکەوە لە پێناو بەرژەوەندی هاوڵاتیانمان ئەوقۆناغە و تێپەڕێنین.

روونى دەکاتەوە: ئێمە ڕۆژانە لەڕێگەی چەندین لیژنەوە چاودێری دۆخی بازاڕ و ژیانی هاوڵاتیان دەکەین، بۆیە لەپێناو بەرژەوەندی گشتی هاوڵاتیان گەر هەر حاڵەتێکی گرانی و ناردنی پێداویستی کەم لەلایەن کۆمپانیاکانی خۆراک بۆ مارکێتەکان بەدی بکرێت ناچارین توندترین سزای یاساییان بدەین و لە دەزگاکانی ڕاگەیاند ناوی بڵاوکەینەوە .

هاوکات لە کۆتایى پەیامەکەیدا ئاماژەى بۆ ئەوە کرد: هەر هاوڵاتیەک سکاڵای هەیە ژمارەی لیژنەکانی قائمقامیەتی مەرکەزی سلێمانی کراوەیە دەتوانن ئەوان ئاگاداربکەنەوە.


PUKMEDIA