تیرۆرستێكی داواكراو لەلایەن دژەتیرۆرەوە دەستگیركرا

راگەیاندنی بەڕێوبەرایەتیی گشتیی دژەتیرۆر

دەستگیركردنی تیرۆرستێكی داواكراو

هێزەکانی بەڕێوبەرایەتیی گشتیی دژەتیرۆر، پاڵپشت بە زانیاری هەواڵگری ورد و بەدواداچوونی بەردەوام، توانیان تیرۆرستێک دەستگیربکەن لە ناوچەی باینجان

بەڕێوبەرایەتیی گشتیی دژەتیرۆر رایگەیاند: تیرۆرستی دەستگیرکراو بەناوی (حکم ردام محمد الرفیعي) ناسراو بە (ابو الحکم) خەڵکی پارێزگای سەڵاحەدینە و چەکداری ڕێکخراوی تیرۆرستیی دەوڵەتی ئیسلامیی بووە لە فرقەی (ذات الصوار)ـی لیوای (عەبدوڵای کوڕی عومەر) بەشداری چەندین کار و چالاکی تیرۆرستی و شەڕی دژ بە هێزە ئەمنییەکان کردووە، دوای ڕووخانی دەوڵەتی ئیسلامی هاتووەتە سنوری پارێزگای سلێمانی و لە ناوچەی باینجان نیشتەجێ بووە.

ئاماژەی بەوەشكرد: ناوبراو فەرمانی دەستگیرکردنی هەیە لەلایەن دادگای لێکۆڵینەوەی نەینەوا بە ماددەی 4ـی تیرۆر، دەستبەجێ پاش دەستگیرکردنی ڕادەستی یاساکرا بە مەبەستی سزادانی.

PUKMEDIA