دیداری مێری 2026 لە هەولێر دەستیپێکرد

PUKMEDIA

دیداری مێری 2026 لە هەولێر

دیداری مێری 2026 لە هەولێر دەستیپێکرد و بۆ ماوەی دوو رۆژ سەرۆک و سەرکردەکانی ناوچەکە بۆ چەندین پرسی گرنگ و هەستیار قسەیان دەبێت.

ئەمڕۆ دووشەممە 12-10-2026 دیداری مێری لەژێر ناونیشانی "لەو دەڤەرەی تێیدا هاوبەشین؛ پێشخستنی سەقامگیری و هاوکاری و خۆشگوزەرانی" ، دەستی بە کارەکانی کرد و بۆ ماوەی دوو رۆژ بەردەوام دەبێت، تێیدا تیشک دەخرێتە سەر چەندین پرسی هەستیار و گرنگی ناوخۆیی و ناوچەیی.

لەمڕۆدا بافڵ جەلال تاڵەبانی سەرۆکی یەکێتیی نیشتمانیی کوردستان قسەی دەبێت سەبارەت بە بنیاتنانی کوردستانێکی بەهێزتر، یەکگرتن، ئاسایش و هاوبەشی ناوچەیی.

هاوکات سبەینێ لە دووەم رۆژی دیدارەکەدا قوباد تاڵەبانی جێگری سەرۆکی ئەنجومەنی وەزیران قسەی دەبێت.

PUKMEDIA