پیرۆزبایی سەرۆك بافڵ دەگەیەنرێتە ئێزدییەکان

تایبەت

وەفدێکی یەکێتی بەژدارییان کرد لە جەژنی جەمای ئێزدییەکان

ئەمرۆ رۆژی دوو شەمە 12ی 10ی 2026 وەفدێکی یەکێتی بەسەرۆکایەتی ئاراس محەمەد ئاغا ئەندامی ئەنجومەنی سەرکردایەتی و لێپرسراوی مەڵبەندی حەوتی نەینەوا، بەهاوڕێیەتی کاروان علی مەحمود و بەرپرسی کۆمیتەکانی شێخان و بەعشيقە و ئەلقوش و ژمارەیەکی زۆری کادران، لە پەرستگای لالش لەقەزای شێخان بەژدارییان کرد لە جەژنی جەمای ئێزدییەکان .

لەمیانەی سەرەدانەکەیان بۆ پەرستگای لالش لەلایەن میر حازم تەحسین بەك میری ئێزدییەکان لە کوردستان و عیراق و جیھان و ژمارەیەك کەسایەتی و گەورە پیاوانی ئێزدییەکان پێشوازییان لێکرا.

لەو سەردانەیاندا وەفدی یەکێتی پیرۆزبایی سەرۆك بافڵ و سەرکردایەتی یەکێتییان گەیاندە میر و جڤاتی روحانی ئێزدییەکان و تەواوی خوشك و برا ئێزدییەکان و ھیوایان خواست ھەمیشە لە جەژن و خۆشی دابن.

PUKMEDIA