نرخی نەوت لە سەروی 105 دۆلارە

میدیاکان

نرخی نەوت

 ئەمڕۆ 13ی10ی2026، نرخی نەوت لە بازاڕەکانی جیهاندا نزم بوونەوەی بەخۆیەوە بینی، بەڵام بەهۆی بەردەوامی گرژییەکانەوە هێشتا نرخەکەی بەرزە و لەسەروی 105 دۆلارەوە مامەڵەی پێوە دەکرێت.

بەپێی ماڵپەڕی (OIL PRICE) نرخی یەک بەرمیل نەوتی برێنت یەک دۆلار و 29 سەنت دابەزی و بە 105 دۆلار و 4 سەوت مامەڵەی پێوە دەکرێت، هاوکات یەک بەرمیل نەوتی تەکساس یەک دۆلار و 24 سەنت دابەزی و بە 92 دۆلار و 50 سەنت مامەڵەی پێوە دەکرێت.

هۆکاری ناجێگیری نرخی نەوت، بۆ گرژییەکانی رۆژهەڵاتی ناوەڕاست دەگەڕێتەوە، کە هێشتا ئەمریکا و ئێران لە دۆخی نە ئاشتی نەجەنگدان و دۆخێکی ناسەقامگیریش لە گەروی هورمز هەیە، ئەمە جگە لەوەی ئۆپراسیۆنی بەرەبەیانی یەمەن بەردەوامی هەیە و حوسییەکانیش پێگە ستراتیژییەکانی سعودیە بەئامانج دەگرن، هەموو ئەمانە وایکردووە، نرخی نەوت لە بازاڕەکان ناجێگیر بێت و هاوکات بە بەرزیش بمێنیتنەوە.

PUKMEDIA