ترەمپ: بەم زوانە جەنگی ئێران کۆتایی دێت

میدیاکان

دۆناڵد ترەمپ سەرۆکی ئەمریکا

دۆناڵد ترەمپ سەرۆکی ئەمریکا، جارێکی دیکە دووپاتی کردەوە، کە جەنگی وڵاتەکەی لەگەڵ ئێران بەم زوانە کۆتایی دێت و دەشڵێت: هەڵبژاردنەکانی نیوەی ئەمریکاش کاریگەری لەسەر بڕیارەکانم نابێت.

 ترەمپ لە لێدوانێکی رۆژنامەوانیدا، رایگەیاند: جەنگی ئێران بەم زوانە کۆتایی دێت و بەهۆی بڕیارەکەشەوە نرخی سوتەمەنی و بەنزین دادەبەزێت.

وتیشی: هەڵبژاردنەکانی نیوەی ئەمریکا هیچ کاریگەرییان لەسەر بڕیارەکانم نابێت.

 لە بارەی دۆخیرۆژهەڵاتی ناوەڕاست و ئۆپراسیۆنی بەرەبەیانی یەمەنیشەوە، سەرۆکی ئەمریکا رایگەیاند: لەگەڵ محەمەد بنت سەلمان شازادەی جێنشینی سعودیە قسەم کردووە و هەڵسوکەوتەکانی حوسییەکانیش زۆر خراپن.

پەیوەست بە جەنگی ئۆکراین و روسیاش، دۆناڵد ترەمپ، ئاشکرای کرد: ئەو دوو وڵاتە دەیانەوێت رێکبکەون، بەڵام نازانن چۆن رێکبکەون.

وتیشی: ڤلادیمێر پۆتین دەیەوێت رێککەوتنێک ئیمزا بکات، پێویستە ڤلۆدیمێر زیلینسکی سەرۆکی ئۆکراینیش رازی بکەین، رێککەوتنێک ئیمزا بکات.

PUKMEDIA