نرخی نەوت بەرز دەبێتەوە

ميدياكان

نرخی نەوت

نرخی نەوت بەرزبووەوە و بەرمیلێك نەوتی خاوی برێنت گەیشتە سەروو 106 دۆلار، بەرمیلێك نەوتی خاوی تەكساسیش بە زیاتر لە 94 دۆلار مامەڵەی پێوەدەكرێت.

ئەمڕۆ 14ی 10ی 2026، نرخی نەوت بەرزبووەوە و بەرمیلێك نەوتی خاوی برێنت بە 106 دۆلار و 18 سەنت و  بەرمیلێك نەوتی خاوی تەكساسیش بە 94 دۆلار و 90 سەنت مامەڵەی پێوەدەكرێت.

ئەمەش لەكاتێكدایە، نیگەرانیی لە پەرەسەندنی ململانێكانی نێوان حوسییەكان و سعودیە، بەهۆی هێرشی حوسییەكان بۆسەر باڵەخانەیەكی كارگێڕی كۆمپانیای ئارامكۆ لە شاری زەهران، بووەتە هۆی بەرزبوونەوەی نرخی نەوت.

هاوكات رێكخراوی وڵاتانی هەناردەكاری نەوت (ئۆپیك)، دوێنێ سێ شەممە رایگەیاند: سەرەڕای ئاستەنگەكانی گەروی هورمز، بەرهەمهێنانی هاوپەیمانی ئۆپیك پڵەس لە مانگی ئەیلولدا بەهۆی زیادبوونی بەرهەمی سعودیەوە بەشێوەیەكی بەرچاو بەرزبووەتەوە.

PUKMEDIA