عیراق باجی گومرگی لەسەر چەندین ماددەی خۆراكی و دەرمان لادەبات

راگەیاندنی ئەنجومەنی وەزیرانی عیراق

كۆبوونەوەی ئەنجومەنی وەزیران

ئەنجومەنی وەزیرانی عیراق، بڕیاریدا بە لابردنی باجی گومرگی لەسەر چەندین جۆر ماددەی خۆراكی و دەرمانی پزیشكی.

نووسینگەی راگەیاندنی عەلی زەیدی، سەرۆك وەزیرانی عیراق رایگەیاند: ئەنجومەنی وەزیران، لە كۆبوونەوەی ئاسایی خۆیدا، دوێنێ 13ی 10ی 2026،  بڕیاریدا بە لابردنی باجی گومرگی لەسەر چەندین جۆر ماددەی خۆراكی و دەرمانی هاوردەكراو.

ئاماژەی بەوەشكرد: بڕیارەكە لەڕۆژی 7ی تشرینی یەكەمی 2026ـەوە جێبەجێ دەكرێت.

پێشتریش، عەلی زەیدی، سەرۆك وەزیرانی عیراق، رێنمایی دابوو بەڕاگرتنی باجی گومرگی و باجی سەپێندراو بەسەر بەرهەمەكانی هێلكە، مریشك و گۆشتی هاوردەكراوی زیندوو، بە شێوازێك كە بەشداربێت لە پشتگیريی كردن لە سەقامگیری بازاڕی ناوخۆیی و دابینكردنی ئەو ماددە سەرەكیانە بە نرخێكی گونجاو بۆ سەرجەم هاووڵاتییان.

PUKMEDIA