بەبڕیاری وەزیری خوێندنی باڵا داشکاندنی 45% لە کرێی خوێندن دەکرێت

PUKMEDIA

وەزارەتی خوێندنی باڵا و توێژینەوەی زانستی هەرێمی کوردستان

لەسەر راسپاردەی  وەزیری خوێندنی باڵا و توێژینەوەی زانستی هەرێمی کوردستان، بریاردرا بە داشکاندنی رێژەی 45%  لە کرێی خوێندنی پارالێل و ئێواران و خوێندنی باڵا لە زانکۆکانی هەرێمی کوردستان.

بەپێی نوسراوێکی وەزارەتی خوێندنی باڵا، کە ئیمزای د.ئارام محەمەد قادر وەزیری خوێندنی باڵای لەسەرە، بڕیاردرا بە داشکاندنی کرێی خوێندن بە رێژەی 45% بۆ سەرجەم قۆناغەکانی خوێندنی بەڕایی (پارالێل و ئێواران) و خوێندنی باڵا (دیبلۆمی بالا، ماسْتەر، دکتۆرا) لە زانکۆکانی هەرێمی کوردستان بۆ ساڵی خوێندنی 2026-2027.

ئەم بڕیارە لەسەر بنەمای هێڵە گشتییەکانی بەرنامەی کاری کابینەی حکومەتی هەرێمی کوردستان و ڕێنماییەکانی وەزارەت دەرچووە بە مەبەستی ئاسانکاری و رەچاوکردنی بارودۆخی دارایی خوێندکاران.

ئەمەش لەکاتێکدایە،  د.ئارام محەمەد قادر وەزیری خوێندنی باڵا و توێژینەوەی زانستی ،هەموو ساڵێک ئەم داشکاندنەی کردوە و بەهۆیەوە بڕە پارەیەکی زۆری بۆ خوێندکاران و کەسوکاریان گێڕاوەتەوە.

PUKMEDIA