بانکى ناوەندى عیراق دۆلار بە نرخی رەسمی بە گەشتیاران دەدات

میدیاکان

دۆلاری ئەمریکی

بانکى ناوەندى عیراق بڕی 2000 دۆلار بە نرخی رەسمی بە هەر گەشتیارێک دەدات کە گەشت بۆ دەرەوەى وڵات دەکات ساڵانەش شەش جار دەتوانێت داوای ئەو بڕە پارەیە بکات.

بەپێی بڕیارە نوێیەکەى بانکى ناوەندى،بڕى پارەى تەرخانکراو بۆ گەشتیاران 2000 دۆلارە، هەروەها داواکردنى دۆلار لە ساڵێکدا نابێت لە شەش جار تێپەڕ بکات و  بڕیارەکە لە ڕۆژى یەکشەممەى هەفتەى داهاتوو جێبەجێ دەکرێت.

مەبەست لەم هەنگاوە ڕێکخستنەوەى پڕۆسەى بەدەستهێنانى دراوى بیانییە، هاوکات دڵنیابوونەوەیە لە گەیشتنى دۆلار بە شایستەکان بەگوێرەى مەرجەکان.

ئەمەش لە کاتێکدایە، ماوەی چەند ساڵێکە گەشتیاران لەسەرجەم فڕۆکەخانەکانی عیراق دۆلاریان بە نرخی رەسمی بانکی ناوەندی پێدەدرێت، کە 132هەزارە بۆ هەر 100 دۆلارێک و بەڵام گەشتیارانی هەردوو فڕۆکەخانەی جەلال تاڵەبانی لە سلێمانی و فڕۆکەخانەی هەولێری لێبێبەشکراوە.

PUKMEDIA