وەزارەتی ناوخۆی فیدڕاڵی: نرخی نوێکردنەوەی پاسپۆرت زیاد ناکرێت

میدیاکان

پاسپۆرتی عیراقی

وەزارەتی ناوخۆی حکومەتی فیدڕاڵی عیراق ڕایگەیاند، رسومات و تێچووی دەرهێنانی پاسپۆرتی عیراقی وەک خۆی بە 91 هەزار دینار دەمێنێتەوە و هیچ بڕە پارەیەکی دیکە زیاد ناکرێت.

بەپێی راگەیەندراوێکی وەزارەتی ناوخۆ، حوسێن عەوادی بریکاری باڵای وەزارەتی ناوخۆ جەختی لەوە کردووەتەوە کەلەسەر فەرمانی عەلى زەیدى فەرماندەی گشتیی هێزە چەکدارەکان، ڕسوماتی دەرهێنان و نوێکردنەوەی پاسپۆرت بە 91  هەزار دینار دەمێنێتەوە و هیچ زیادکردنێک لەو بڕە پارەیەدا ناکرێت.

ئەمەش لەکاتێکدایە، ئەمڕۆ وەزارەتی ناوخۆی فیدراڵی، نرخی دەرهێنان و نوێکردنەوەی پاسپۆرتی لە 91 هەزار دینارەوە بۆ 101 هەزار دینار لە سیستمی دەرکردنی پاسپۆرت بەرزکردەوە، بەبێ ئەوەی پێشوەختە بەڕێوەبەرایەتییەکانی پاسپۆرت لە بڕیارەکەی ئاگادار بکاتەوە.

PUKMEDIA