سەرۆککۆمار: تەواوبوونی دەنگدان بە کابینەی حکومەت هەنگاوێکی گرنگە لەڕەوتی کاری حکومەتدا

نوسینگەی راگەیاندن

نزار ئامێدی سەرۆککۆماری عیراق

نزار ئامێدی سەرۆککۆماری عیراق، پیرۆزبایی لە جێگرانی سەرۆکوەزیران و وەزیرەکان دەکات بەبۆنەی بەدەستهێنانی متمانەی پەرلەمان و دووپاتیشی دەکاتەوە، تەواوبوونی دەنگدان لەسەر کابینەی حکومەت هەنگاوێکی گرنگە لە ڕەوتی کاری حکومەتدا.

دەقی پیرۆزباییەکەی سەرۆککۆمار:
پیرۆزبایی لە جێگرانی سەرۆکوەزیران و وەزیران دەکەین بەبۆنەی بەدەستهێنانی متمانەی پەرلەمانی بەڕێز. هیوای سەرکەوتنیان بۆ دەخوازم لە بەجێگەیاندنی بەرپرسیارێتییە نیشتمانییەکانیان بە شێوەیەک کە خزمەتی گەلەکەمان بکات و لەگەڵ خواستەکانیاندا بگونجێت.

تەواوبوونی دەنگدان لەسەر کابینەی حکومەت هەنگاوێکی گرنگە لە ڕەوتی کاری حکومەتدا. پێویستە هەموومان هاوکاریەکی بەهێزی بکەین، هەوڵەکانمان یەکبخەین، و بە گیانی بەرپرسیارێتی نیشتمانی کار بکەین بۆ ڕووبەڕووبوونەوەی ئاستەنگەکانی ئێستا و جێبەجێکردنی شایستە نیشتمانییەکان و دەستەبەرکردنی داواکاری هاووڵاتیان.

PUKMEDIA