ئەمریکا دووبارە هۆشداری دەدات

ئاژانسەکان

ئەمریکا

بەهۆی گرژییەکان و مەترسیی پەرەسەندنی خێرای دۆخەکە، باڵیۆزخانەکانی ئەمریکا لە رۆژهەڵاتی ناوەڕاست داوا لە هاووڵاتییان و گەشتیارانی ئەمریکی دەکەن کە زۆرترین هۆشیاری بنوێنن.

ئەو وڵاتانەی ئەمریکا هۆشداری لێداون بۆ ئەوەی هاووڵاتیانی چۆڵی بکەن بریتین لە سعودیە، کوەیت، ئوردن، بەحرەین، عومان، قەتەر، عیراق، لوبنان، یەمەن، ئێران، ئیسرائیل و قودس.

مەترسییەکان بریتین لە پەرەسەندنی خێرای کارە دوژمنکارییەکان (لەوانەش هێرشەکانی حووسییەکان)، کە ڕەنگە ببێتە هۆی پەککەوتنی گەشتە ئاسمانییەکان، داخستنی ئاسمان و تێکچوونی هاتووچۆ. هەروەها ئەگەری هەیە ئێران و گرووپە چەکدارەکانی هاوپەیمانی، بەرژەوەندی و هاووڵاتییانی ئەمریکی لە ناوچەکە و جیهاندا بکەنە ئامانج.

ئەو رێکارانەی کە پێشنیار کراون بریتین لە چاودێریکردنی بەردەوامی دۆخی فڕۆکەخانەکان و کۆمپانیاکانی فڕۆکەوانی، لەگەڵ ئامادەکردنی پلانی جێگرەوەی پێشوەختە بۆ هەر حاڵەتێکی لەناکاو.

PUKMEDIA