چیفتچی: پڕۆسەی ئاشتی لە قۆناغەكانی كۆتاییدایە

Evrenselê Turkî

مستەفا چفتچی، وەزیری ناوخۆی توركیا

مستەفا چفتچی، وەزیری ناوخۆی توركیا رایدەگەیەنێت: هەوڵەكانمان دەخەینەگەڕ بۆ سەرخستنی پڕۆسەی ئاشتی و رێگریی كردن لە هەر هەوڵێكی تێكدەرانە. 

مستەفا چفتچی، وەزیری ناوخۆی توركیا، رایگەیاند: پڕۆسەی ئاشتی بە سەركەوتوویی بەرەو پێشەوە دەچێت و نزیك دەبێتەوە لە كۆتایی و دەبێت پڕۆسەكە سەركەوتووبێت، چونكە كاتی زۆرمان لەبەردەستدا نییە.

راشیگەیاند: بەهۆی باشتربوونی دۆخی ئەمنیەوە، وەزارەتی ناوخۆی توركیا دوو هەزار و 63 خاڵی پشكنینی هەڵوەشاندووەتەوە.

چفتچی ئاماژەی بەوەشكرد: كە رەنگە هەوڵی تێكدانی پڕۆسەی ئاشتی هەبێت، بەڵام دەبێت ئەم پڕۆسەیە بگاتە سەركەوتن و هەموو هەوڵەكانمان دەخەینەگەڕ بۆ سەرخستنی.

وتیشی: دوژمن هەمیشە دوژمنایەتی خۆی دەكات، بۆ ئەوەی دەرفەت بەو كەسانە نەدەین، هەموو رێكارێكی پێویست دەگرینەبەر.

PUKMEDIA