Serokomarê Tirkiyê: Dema çek danîn temam bû derbasî qonaxa nû dibin

AA

Serokomarê Tirkiyê digel rojnamevanan

Serokomarê Tirkiyê Recep Tayyîp Erdogan derbarê pêvajoya aştiyê de ragihand ku, dema çek danîn temam bibe ewê derbasî qonaxa nû bibin û bi biryarderî û hûrgilî ew pêvajoyê dişopînin.

Di bersîva pirsên rojnamevanan de dema vegera xwe ji serdana Koreya Başûr de, Serokomarê Tirkiyê Recep Tayyîp Erdogan ragihand ku, tu rawestanek di pêvajoya aştiyê û çareseriyê de, tune ye û got: Pêvajo di çarçoveya ku qanûn diyar dike de berdewam dike.

Recep Tayyîp Erdogan, anî ziman ku ew bi hûrgilî şopandina pêvajoyê dikin û got: Carinan ev pêşveçûn ji ber nazikiya mijarê ne diyar bin, lê biryardariya me ya li vir gelekî zelal e.

 Serokomarê Tirkiyê aşkere kir ku şikeftên li derveyî sînor gav bi gav tên valakirin û xebatên piştrastkirinê bi awayê ku hatine plankirin berdewam dikin, û wiha axivî: Pêvajoya me di çarçoveya ku Qanûn diyar dike de berdewam dike, ne mimkûn e ku em ji wir tawîzê bidin.

Got jî: Em bi hûrgilî şopandina pêvajoyê dikin, ji bo gihîştina armanca mezin a ku gelê me dixwaze, em bi baldarî pêş ve diçin. Carinan ev pêşveçûn ji ber nazikiya mijarê ne diyar bin, lê biryardariya me ya li vir gelekî zelal e. Şikeftên li derveyî sînorên me, gav bi gav tên valakirin, xebatên piştrastkirinê bi awayê ku hatiye plankirin berdewam dikin.

Recep Tayyîp Erdogan da zanîn ku, encumena me ya ku bi serokatiya Alîkarê Serokomar hatiye avakirin û saziyên me yên têkildar ên dewletê jî bi temamî bi mijarê re serwext in. Bi pêkhatina tam a danîna çekan û qedandina pêvajoyên piştrastkirinê re, em ê derbasî qonaxa nû bibin.

Tekez li wê yekê jî kir ku; Çareserkirina pirsgirêkên wiha mezin pêdiviyekî bi rêveberiyeke hestiyar a pêvajoyê tîne. Em jî hewl didin ku vê bikin û mijarê bi hûrgilî bi rê ve bibin. Em ê welatê xwe bi hev re bigihînin pêşerojeke aştî û aramiyê û şer bi temamî bi dawî bibe.

PUKMEDIA