Hevpeymaniya Demokratîk a Civakî: Piştgîriya helwestên YNKê dikin

PUKMEDIA

Logoya YNK û Hevpeymaniya Demokratîk a Civakî

Hevpeymaniya Demokratîk a Civakî ya cîhana Erebî piştevaniya xwe ji bo helwesta Yekîtiya Niştimanî ya Kurdistanê (YNK) û Serok Bafil derbarê vekişîna ji Hikûmeta Herêma Kurdistanê anî ziman û tekez kir ku divê rêz ji şirîkatiya rastîn re bê girtin.

Hevpeymaniyê di daxuyaniyekê de piştgiriya xwe ji bo helwesta Encûmena Serkirdatiya Yekîtiya Niştimanî ya Kurdistanê û tevahiya dîtin û nêrînên wan anî ziman, ku YNK dixwaze pêvajoya demokratîk xurt bibe û pêvajoya dengdanê jî bi awayekî paqij birêve biçe, da ku pêvajoya siyasî pêşveçûneke mezintir bide û di asta daxwaz û hêviyên gelê Kurdistanê de be.

Her wiha di daxuyaniyê de, Hevpeymaniyê tekez li ser girîngiya rastkirina rêça hikûmdariyê û avakirina hikûmeteke çaksaziya niştimanî kir, ku dadmendiya civakî û baştirkirina jiyana welatiyan li ber çavan bigire, bi taybetî kêmderametan û çîn û texên karker û xebatkaran bixe ser hemû karên xwe.

Her wiha kar bike ji bo pêşvebirina pêwendiyeke avaker di navbera Herêmê û Hikûmeta Fedral de li Bexdayê, bi awayekî ku yekîtî û aramiya Îraqê xurt bike û ezmûna wê ya demokratîk biparêze.

Di dawiyê jî de, Hevpeymaniya Demokratîk a Civakî ya cîhana Erebî piştevaniya xwe ji bo Yekîtiya Niştimanî ya Kurdistanê dubare kir, li ser wê bingehê ku çespandina demokrasiyê pêdivî bi rêzgirtina ji pirrengî û îradeya gel û xurtkirina şirîkatiya niştimanî heye, û daxwaz kir ku berjewendiya giştî li pêş berjewendiya hizbî ya teng bê danîn.

PUKMEDIA