Festîvala Gelawêj di roja duyemîn de çendîn çalakiyan lidar dixe

PUKMEDIA

Festîvala Navneteweyî ya Gelawêj li Silêmaniyê

Îro, 6ê Mijdarê 2026an, 29emîn Festîvala Navneteweyî ya Gelawêj li bajêrê Silêmaniyê bi dirûşma "Gelawêj platforma kulturên cuda ye" û di bin navê gera Samî Hadî de ji bo roja duyem berdewam dike. Di festîvalê de çendîn lêkolîner gotar û lêkolînên xwe pêşkêş dikin, û pêşangehên wênegirî û pirtûkan jî têne lidarxistin.

Festîvala Gelawêj ya îsal bi amadebûna nivîskar, helbestvan û lêkolînerên ji welatên Îraq, Îran, Tirkiye, Almanya, Spanya, Sûriye, Lubnan, Urdun û Misirê, ji bo demê sê rojan li Silêmaniyê tê birêvebirin.

Rojên duyem û sêyem ên festîvalê hatine veqetandin ji bo xwendina berhemên pêşbirka Gelawêj, her wiha çendîn lêkolînerên Kurd, Ereb, Fars û biyanî lêkolînên xwe pêşkêş dikin. Li tenişt çalakiyên sereke yên festîvalê, pêşangeha hunera şêwekariyê, pêşangeha wênegiriyê û pêşangeha pirtûkan ji bo hejmareke dezgehên çap û weşanê yên Kurdî, Erebî, Farsî û Îngilîzî têne vekirin.

Navenda Ronakbîrî ya Gelawêj bi armanca ku bi rêya Festîvala Gelawêj, semînar, civîn û xelatkirinê de zemîneyeke azad ji bo diyaloga ronakbîran biafirîne kar dike. Ev yek bêyî berçavgirtina îdeolojî û dîtinên wan ên cuda û taybet tê kirin, komkirina ronakbîran ji bo nasîna cîhanbînîyên hev û gotûbêjkirina li ser pêvajoyên ronakbîriyê ye.

PUKMEDIA