بەردی بناغەی نەخۆشخانەی راوێژکاری کەلار دانرا

حەیدەر ئەحمەد

دانانی بەردی بناغەی نەخۆشخانەی راوێژکاری کەلار

ئەمڕۆ سەرپەرشتیاری ئیدارەی گەرمیان بەئامادەبوونی جێگری سەرپەرشتیار بۆ کاروباری هونەری و قایمقامی قەزای کەلار و بەڕێوەبەری گشتی تەندرووستی گەرمیان و لایەنە پەیوەندیدارەکان لە ئیدارەی گەرمیان بەردی بناغەی درووستکردنی بینای نەخۆشخانەی راوێژکاری کەلار دانرا.

بەپێی زانیارییەکانی پەیامنێرمان لە گەرمیان، پرۆژەکە بە بودجەی (1،103،937،000) یەک ملیار و سەد و سێ ملیۆن و نۆسەد و سی و حەوت هەزار دینارە و لەسەر بودجەی پەرەپێدانی پارێزگاکان/ئیدارەی گەرمیان جێبەجێ دەکرێت، پرۆژەکە بینایەکی مۆدێرنە و دوو نهۆمە بەتەواوبوونی خزمەتێکی گرنگی تەندروستی بە قەزای کەلار و ئیدارەی گەرمیان بەگشتی دەگەیەنێت و ماوەی تەواوبوونیش (330) رۆژە و لەلایەن (کۆمپانیای لۆزان)ەوە جێبەجێ دەکرێت.

PUKMEDIA