دوو كەناڵی مەكتەبی راگەیاندن دەبنە HD

PUKMEDIA

كەناڵەكانی گەلی كوردستان و كەركوك

هەریەك لە سەتەلایتی گەلی كوردستان و سەتەلایتی كەركوك كە سەر بەمەكتەبی راگەیاندنی یەكێتیی نیشتمانیی كوردستانن دەبنە HD و گۆڕانكاری لە بەرنامەكانیاندا دەكەن.

بورهان حاجی عەلی بەڕێوەبەری سەتەلایتی گەلی كوردستان بە سایتی رەسمی یەكێتیی نیشتمانیی كوردستان PUKMEDIA ی راگەیاند: "لە چوارچێوەی پوختكردنەوە و نوێكردنەوەی راگەیاندنی یەكێتیی نیشتمانیی كوردستاندا، سەتەلایتی گەلی كوردستان و سەتەلایتی كەركوك دەبنە HD".

راشیگەیاند: "لە رۆژی 1-2-2023 ەوە سەتەلایتی گەلی كوردستان دەبێتە HD، بە گۆڕینی سیستمی پەخشەكەشی بە یەك پاكێج كۆمەڵێك بەرنامەی نوێ پێشكەش دەكات".

هاوكات عیماد ناسح سەرپەرشتیاری دەزگای میدیایی كەركوك بە سایتی رەسمی یەكێتیی نیشتمانیی كوردستان PUKMEDIA ی راگەیاند: "لە نزیكترین كاتدا پەخشی سەتەلایتی كەركوك دەكرێتە HD و بە كوالێتی بەرزتر بەرنامەكانمان پەخشدەكەین".

سەرپەرشتیاری دەزگای میدیایی كەركوك وتیشی: "لە ئێستادا گۆڕانكارییەكی زۆرمان لە ناوەڕۆك و دیكۆری بەرنامەكانماندا كردووە و لە داهاتوویەكی نزیكیشدا بە HD پەخشی سەتەلایتەكەمان دەستپێدەكات".

فریكوێنسی نوێی هەریەك لە كەناڵەكانی گەلی كوردستان و كەركوك بەم شێوەیە دەبێت:

فریكوێنسی نوێی كەناڵی گەلی كوردستان 11564_H_27500

فریكوێنسی نوێی كەناڵی كەركوك : Nilsat
Freq: 11564
Pol: H
S R: 27500

PUKMEDIA