‎‌‎‎كورد وتەنەی بیدوێنە شەرحی خۆی دەكا

PUKMEDIA

لاوێن ئەبو زێد

لاوێن ئەبو زێد

 
كەمال كەركوكی بەناوی پارتییەوە دەڵێت: "مەحاڵە رێگە بە یەكێتی بدەین جارێكی تر پۆستی پارێزگای كەركوك وەربگرێتەوە".

‎ئەو قسەیەی كەمال كەركوكی هەر كەسێكی تر بیكردبایە دەیان بوختان و وەڵام و وەڵام كاری لێدەكەوتەوە و پارتییەكان بە درۆیان دەخستەوە و وایان نیشان دەدا كە ئەوەندە لە خەمی كەركوك و كەركوكییەكانن ئەوەندە بەرپرسانە مامەڵە لەگەڵ مەسەلەی كەركوك دەكەن كە ئەوان هەموو هەوڵێكیان بۆ ئەوەیە پارێزگاری كەركوك كوردبێت گرنگ نییە چ لایەنێكە .

‎كەمال كەركوكی باسی زۆرترین دەنگی كەركوك دەكا بێ ئاگا لەوەی كە ژمارەی كورسییەكانی یەكێتیی نیشتمانیی كوردستان لە هەموو هەڵبژاردنەكانی رابردووی ئەنجومەنی نوێنەرانی عیراق لە  ژمارەی كورسییەكای پارتی زیاترە، باشە ئەگەر وایە بۆ لە كوردستان لافی زۆرترین ژمارەی كورسی لێدەدەن و بەم نەفەسەوە دانوستان لەگەڵ لایەنە سیاسییەكان دەكەن، بەڵام لە كەركوك باسی ژمارەی دەنگی كاندید دەكەن دیارە بانێك و دوو هەوایە، دڵنیام كەمال كەركوكی ئەوەندە بێ ئاگا نییە و ئەوەندەش كەم ئەزمونی سیاسی نییە نەزانێ ژمارەی كورسی حوكم دەكا نەوەك ژمارەی دەنگی كاندید.

‎ئەویش ژمارەی ئەندامی ئەنجومەنی پارێزگا پۆستی پارێزگار یەكلایی دەكاتەوە نەوەك ئەنجومەنی نوێنەران بەڵام كێ ئەو قسانەی پێدەكا اللە و اعلم، ئەگەر پارتی و كەمال كەركوكی لافی ئەوە لێدەدەن ژمارەی كورسییەكانی ئەندامانی ئەنجومەنی پارێزگایان زۆرە دەبێ ئەوەش بزانن كە لە كۆتا هەڵبژاردنی ئەنجومەنی پارێزگا لە كەركوك یەكێتی و پارتی بە یەك لیست چوونە هەڵبژاردنەوە و پارتی زیاتر لە نیوەی كورسییەكانیان بە دەنگی یەكێتی بە دەست هێنا ئەوەش زۆر رونە كە یەكێتی بەشێك لە ئەندامانی ئەنجومەنی پارێزگای كەركوك یان چوونە پەڕلەمانی عیراق و لە شوێنیان ئەندامانی پارتی شوێنیان گرتنەوە .

PUKMEDIA