پەیامەکەی بافڵ تاڵەبانی بۆ کۆنگرەی لۆزان سەرەتایەکی گرنگە

PUKMEDIA

سالار مەحمود

سالار مەحمود

پەیامەکەی بافڵ تاڵەبانی بۆ کۆنگرەی لۆزان سەرەتایەکی گرنگە، شایانی ھاندانە، بە کرداری کردنی ئەم گوتارە یەکێتی دەبێتەوە سەر مەشقی خەباتی نیشتمانی.

بە ھاندان و بەرفراونکردنی ئەم ھێڵەو لادانی لەمپەرە ناوخۆیی و دەرەکیەکان بزاوتێکی نوێی کاریگەر دوای سەد ساڵەی لۆزان دیاری دەکەین.

پەیامی بافڵ تاڵەبانی سەرۆكی یەكێتی نیشتمانی كوردستان بۆ کۆنگرەی لۆزان سەرەتایەکی گرنگە " بافڵ تاڵەبانی نامەیەك بۆ كۆنگرەی لۆزان لە رۆژئاوای كوردستان دەنێرێت و لەبەشێکی ئەو نامەیەدا دەڵێت: ئامانجی یەکێتی نیشتیمانی کوردستان ڕوونە و درێژەپێدەری سیاسەتی حەکیمانە سەرۆک مام جەلالە، ئەو سیاسەتەی خۆی لە پشتیوانی کوردان و پشتگیری خەباتە سیاسیی و مەدەنییەکەیدا دەبینیێتەوە، سیاسەتێک کە ئامانجەکەی سەربەرزی کوردان و بەدیهێنانی ئامانجە نەتەوەیی و نیشتیمانییەکانە، بۆ ئەمەش ڕوو لە هەموو هێز و لایەنە سیاسییە کوردستانییەکان دەکەم و دەڵێم راستە جیاوازییەکانمان زۆرن، بەڵام زمان و  خاکە هاوبەشەکەمان خاڵی کۆکەرەوەی هەموومانە و دەبێت پارێزگاری لێ بکەین.

دەشڵێت: بە هەموو جیهان و وڵاتانی دراوسێکانمان دەڵێین شەڕ و ناکۆکی بژاردەی ئێمە نییە و بە هەموو شێوەیەک ڕەتیدەکەینەوە، دەمانەوێت پەیوەندییەکانمان لە چوارچێوەی بەرژەوەندییە باڵاکان گەشە پێ بدەین و دراوسێیەکی باش بین، بەڵام سازش لەسەر مافە ڕەواکانمان ناکەین و بە هەموو شێوەیەک بەرگری لێدەکەین'.

PUKMEDIA