سەركردەی ھەستانەوە و شكست پێھێنانی نسكۆ

PUKMEDIA

‌بڵێسە جەبار فەرمان

‌بڵێسە جەبار فەرمان

ساڵیادی جەبار فەرمان

باوك و سەركردە، ئەفسانەی سەردەمی خۆی
ساڵ ئەڕوات و تۆ هەر ناوە پڕ نەعرەتەكەی سەردەمی داكۆكیكردن لە رەنجدەران و هەژاران و خاك و خەڵكی كوردستانی.
ساڵ ئەڕواو جێگای تۆ بەكەس پڕ نابێتەوە.
ساڵ ئەڕواو بێوەفایی بەرامبەر بە مێژووی پاكی تۆو خاڵە شیهاب و ئارام و عەلی عەسكەری و شێخ حسێن بابا شێخ و د خالید شەهیدانی تر زیاتر دەبێت.
تا تۆ هەبووی بەدەگمەن كەس دەیوێرا گەندەڵی بكا.
بۆ مەبدەئی سزاو پاداشت تۆ راستگۆترین بووی.
زۆر لەوانەی تۆ لەسەر گەندەڵی و خیانەتی سیاسی و لادان لە یەكێتی و بنەماكانی سزات داون، دوای ئەوەندە ساڵە ئێستا وەك چەقەڵی پیرو لەكاروان بەجێماو بەلەرزۆكییەوە دەیانەوێ تانە لە سێبەرت بدەن.
كەتا خۆت هەبووی زاتیان نەدەكرد لەدوای هەنگاوەنیشتەوە هەنگاو بنێن.
لەساڵیادی كۆچی تۆدا، خەم دامدەگرێ كە لێرە نیت.
هەموو هەوڵی تۆ هێزی نیزامی و كۆلێژی سەربازی و هێزی نیشتمانی بوو، دەتویست ناوی پێشمەرگە بەخۆیەوە بێ پێشمەرگەی كوردستان بێت، ئێستا ناوی پێشمەرگە تەنیا دروشمە، رێز لەپێشمەرگە و ناوی پێشمەرگە ناگیرێت.
زۆرێك ئێستاكەیش ترسیان لەناوت هەیە بەبیستنی بچوكتر دەبنەوە.
دۆڕاوی سیاسی و موراهیقی سیاسی بەناوی گێڕانەوەی بیرەوەرییەوە لەرزۆكانە گەرەكیانە تیری ئیرەیی بگرنە ناوبانگی تۆو یەكێتییەكەی تۆ.
تۆ سەركردەی ناو زیندانی بەعسییەكان بوی، پارێزەری هاوڕێكانت بوویت.
تۆ سەركردەی داستانەكانی دژ بەبەعس و فاشییەكان بوویت.
تۆ سەركردەی راپەڕینی دووەمی كوردستان بووی. پارێزەری بەنداوەكان بوویت.
تۆ هاوڕێی سروشت و گۆرانی و شیعرو هاوڕێی سەر راست و بەوەفای هاوڕێكانت بوویت.
دڵخۆش دەبم كە لە باڵەكایەتییەوە بۆ پشدەر و بتوێن بۆ دەشتی هەولێر بۆ شارباژێر و شارەزوور بۆ سلێمانی و گەرمیان هەر جێگایەك دەچم خەڵك دێنە لام و وەفادری خۆیان بۆ چاكەو هاوكاری تۆ باس دەكەن.
تۆ تەنیا فیلەتەنی شەڕ نەبوویت. تۆ فیلەتەنی ئاشتی و حوكمڕانی پاك و بێگەندەڵی و خزمەتی خەڵك بووی.
نەریتی دەستبەردان لەپۆست لەكاتی نەخۆشیدا تۆ داهێنەری بوویت.
لەئاشتیا كۆتری سپی بوویت، لەشەڕی داگیركەرانی كوردستان و بەعسییەكاندا رەشەبا بوویت.
تۆ سەكردەی ھەستانەوەو شكست پێھێنانی نسكۆ بوویت.
جەبار فەرمان
ناوێك بەئاوی ئاڵتون نووسراوە

PUKMEDIA