هۆڵندییەکان وەڵامی چەواشەکارییەکانی ئاسایشی هەولێریان دایەوە

PUKMEDIA

بیروڕا

هەڤاڵ حەمەعەزیز

وەفدێکی سەربازی کونسوڵخانەی هۆڵندا، بە جلی سەربازی و بەشێوەیەکی ڕەسمی سەریان لە وەهاب هەڵەبجەیی بەڕێوەبەری گشتی دژەتیرۆردا. وەفدە هۆڵندییەکە تەئکیدیان لە کاری هاوبەش کردەوە و پشتیوانی خۆیان بۆ هەوڵە نەسرەوتەکانی دژەتیرۆر دەربڕی.

ئەو پشتیوانییەی وەفدە سەربازییەکەی هۆڵندا داننانە بە ڕەوایەتی و شەرعیەتی دژەتیرۆر. هەروەها نکۆڵی لەو تۆمەتانە دەکاتەوە، کە ئاسایشی هەولێر لە چوارچێوەی پرۆژە و مەبەستێکی تەسکی سیاسی و حزبی، کار و هەوڵەکانی دژەتیرۆر دەخەنە ژێر پرسیارەوە.

هۆڵندییەکان بە زمانی حاڵ گوتیان دژەتیرۆر دژی تیرۆر و دژی تاکتیکی تیرۆریانەیە بۆ ناشرینکردنی قەوارە و ئەزموونی هەرێم. هاوکات بەو سەردانەیان سەلماندیان دژەتیرۆر دامەزراوەیەکی کاریگەر و ڕەوایە و بە هەوڵی بێ ویژدانان لەکەدار نابێت.

هولندییەکان لەگەڵ دژەتیرۆردا دژی تیرۆرستانن چونکە دژەتیرۆر چ جاران دەست ناخاتە ناو دەستی دوژمنانی کوردستان و داگیرکەرانەوە. چ جارانیش دادگە و دەسەڵاتی دادوەری و داواکاری گشتی بە هەڕەشە و گوڕەشە ناخاتە خزمەت ئامانج و مەبەستی تەسکی حزبی خۆیەوە.

هوڵندییەکان لەم دۆخەدا؛ لەگەڵ دژەتیرۆری_ کورد کۆبوونەوە.

PUKMEDIA