حەیدەر عەبادی: سەرۆک مام جەلال بێ جیاوازی خزمەتی گەلانی عیراقی دەکرد

راگەیاندنی مەکتەبی سکرتاریەتی سەرۆک مام جەلال

حەیدەر عەبادی

سەرۆکی هاوپەیمانی نەسر سەردانی مەزاری سەرۆک مام جەلالی کرد و رایگەیاند: ئەو سەرکردەیە بەبێ جیاوازی خزمەتی گەلانی عیراقی دەکرد و ناویشی هەر بە گەشی دەمێنێتەوە.

ئەمڕۆ 4ی 10ی 2025، حەیدەر عەبادی، سەرۆکی هاوپەیمانی نەسر سەردانی مەزاری سەرۆک مام جەلالی کرد و بە رێزەوە باسی لە رۆڵی گەورە و کاریگەری سەرۆک مام جەلال کرد لەعیراقی نوێدا و ئاماژەی بەوەدا: ئەو سەرکردەیە بۆ گەلانی وڵات بەبێ جیاوازی تێکۆشانی دەکرد و ئەمەش خاڵی بەهێز و دیاری مام جەلال بوو کە ناوی لە مێژووی عیراقدا تا کۆتایی هەر بە گەشی و جوانی دەمێنێتەوە.

لە پێشوازی حەیدەر عەبادیدا کە باڵیۆز د. محەمەد سابیریش ئامادەبوو مەکتەبی سکرتارییەتی سەرۆک مام جەلال رایگەیاند: ئێستا یەکێتیی نیشتمانیی کوردستان زیاتر لە هەمووکات یەک دەست و یەک بڕیارە، ئەمەش وەک خاڵی بەهێز و بەردەوامییە لەسەر رێبازی سەرۆک مام جەلال بۆ زیاتر پتەوترکردنی پەیوەندییەکانی لەناوخۆو دەرەوەی عیراق .

PUKMEDIA