بەڕێوەبەری نوێی كەناڵی گەلی كوردستان دەستبەكاربوو

PUKMEDIA

لێپرسراوی بۆردی راگەیاندن و بەڕێوەبەری کەناڵی گەلی کوردستان

لە چوارچێوەی گۆڕانكارییە ناوخۆییەكانی بۆردی راگەیاندنی یەكێتی، كوردۆ عەلی وەك بەڕێوەبەری گشتی كەناڵی گەلی كوردستان دەستبەكاربوو.

ئەمڕۆ 5ی 10ی 2025، لە چوارچێوەی گۆڕانكارییە ناوخۆییەكانی بۆردی راگەیاندنی یەكێتی کوردۆ عەلی وەک بەڕێوەبەری نوێی کەناڵی گەلی کوردستان دەست بەکاربوو، هەروەها دڵبەند مستەفا، بەڕێوەبەری پێشووی کەناڵەکە لە ئەركێكی نوێدا كرا بە بەڕێوەبەری ناوەندی راگەیاندنی یەكێتی لە بەغدا.

لە مەراسیمەكەدا کە لەتیف نێروەیی،  لێپرسراوی بۆردی راگەیاندن و ژمارەیەك لە هەڤاڵان بەشدارییان تێداكرد، سوپاس و پێزانینی مەكتەبی راگەیاندن و هۆشیاری پێشكەش بە دڵبەند مستەفا كرا لە پای خزمەت و رۆڵ بینینی وەك بەڕێوەبەری گشتی كەناڵەكە و هیوایان خواست لە ئەركی داهاتوویدا رۆڵێكی گەورە ببینێ لە كاراركردنی میدیای یەكێتی لە بەغدای پایتەخت، دواتر پیرۆزبایی لە كۆردۆ عەلی بەڕێوەبەری نوێی كەناڵەكە كرا و هەموو لایەك هیوایان خواست لەو ئەركە نوێیەدا سەركەوتوو بێت و پشتیوانی مەكتەب و بۆردی راگەیاندنیان بۆ دوپاتكردەوە.

PUKMEDIA