سەرپەرشتیاری بازنەی ھەڵبژاردنی گەرمیان-ی یەکێتی سوپاسی گەرمیانییەکان دەکات

PUKMEDIA

قەڵای شێروانە

سەرپەرشتیاری بازنەی ھەڵبژاردنی گەرمیان-ی یەکێتی نیشتیمانی کوردستان، سوپاسی خەڵکی خۆڕاگر و بەوەفای گەرمیان دەکات، کە ئەمڕۆ بە گڕوتینێکی زۆرەوە بەشداربوون لە کەرنەڤاڵی ناساندنی کاندیدەکانی لیستی ٢٢٢ ی یەکێتیی نیشتمانیی کوردستان بۆ خولی شەشەمی ئەنجومەنی نوێنەرانی عیراق، کە تێیدا سەرۆک بافڵ وتارێکی پێشکەشکرد و رایگەیاند: بەپشتیوانی قەڵای سەوزی یەكێتی هیچ دوژمنێك ناتوانێت دژی یەكێتیی نیشتمانیی كوردستان بوەستێتەوە، هەربۆیە یەكێتی لە گەرمیانەوە بۆ بەغداد دەچێت.

دەقی سوپاسنامەکە:

خەڵکی سەربەرزی بەوەفای گەرمیان ، کادرو ئەندام و دەنگدەرانی یەکێتی ، سوپاس بۆ پێشوازی فراوان و دڵسۆزانەتان لە سەرۆک بافڵ و ئامادەبونتان لە کەرنەڤاڵی سەرخستنی لیستی ٢٢٢ ی یەکێتی نیشتیمانی کوردستان لە قەڵای شێروانەی کەلار، ئەمڕۆ  ئێوە یەکەم زەنگی سەرکەوتنی یەکێتیتان لەگەرمیانەوە لێدا ، ئێوە سەڵماندتان کە گەرمیان قەڵای سەوزی ھەمیشەیی یەکێتیە و گەرمیانیەکان خاوەنی یەکێتین . 
دڵنیابن یەکێتی دەبێتە ھێزی ھەمو خەڵکی گەرمیان و کوردستان لە بەغداو ئێمەش لێرە لە گەرمیانەوە ئاوەدانی و خزمەت درێژە پێ دەدەین و بۆ ھەمیشە خزمەتکاری خەڵکی بەوەفای گەرمیان دەبین .

شێخ ئەحمەد حەمە کەریم
 ئەندامی مەکتەبی سیاسی و سەرپەرشتیاری بازنەی ھەڵبژاردنی گەرمیانی یەکێتی نیشتیمانی کوردستان 

PUKMEDIA